Mediat angleze: Milot Rashica në radarin e Manchester Cityt, shihet si një nga emrat e mundshëm për zëvendësimin e Leroy Sane

Tashmë nuk është sekret që shumë klube e duan Milot Rashicën, pasi ai ka shkëlqyer këtë edicion te Werder Bremenit, ku ishte e vetmja pikë e fortë e kësaj skuadre.

Mediumi i fundit që shkruan për yllin tonë është ‘Manchester Evening News’, ku sipas tyre Manchester City ka bërë një listë me tre futbollistë që mund ta zëvendësojnë ylli e tyre Leroy Sane që mund të largohet.

Milot Rashica në këtë listë është së bashku me Leon Bailey e Bayer Leverkusenit dhe Marco Asensio e Real Madridit.

“Rashica vlerësohet lartë në mesin e top-klubeve në Evropë dhe përformancat e tij këtë stinor janë rritur me këto pritje. 23-vjeçari ka shënuar shtatë gola dhe asistuar katër herë në 20 ndeshje në Bundesligës, që është një bilanc mjaft i mirë në një skuadër si Werder Bremeni që po lufton për mbijetesë”, thuhet në shkrimin e Manchester Evening News.

“Ëerderi do të detyrohet të shesë lojtarë nëse bie nga elita. Sa i përket stilit të lojës, roli i Rashicës si një sulmues i brendshëm do të përshtatej në sistemin e Guardiolas. Ndonëse luan me të djathtën, ai shpesh luan në anë të majtë të sulmit dhe ka aftësi për të luajtur edhe si alo e po ashtu edhe si organizator”.

“Shkathtësi të tilla të treguara te një skuadër në vështirësi e bënë sulmuesin nga Kosova një opsion interesant për Guardiolan për ta eksploruar. Ai mund të jetë në dispozicion për maksimalisht 34 milionë euro”, ka shkruar gazeta angleze.

Rashica vlerësohet rreth 30 milionë euro, gjë që nuk do të ishte problem për Manchester Cityn. /Telegrafi/