Me vijë në mes, të lëpira pas veshit: Trendi i momentit për flokët

Flokët me vijë në mes të lëpira pas veshit janë një trend që vazhdon të qëndrojë kokëfortë si në pasarela, ashtu edhe tek personazhet e skenës

Për më tepër, ndarja me vijë në mes do të jetë modeli kryesor i flokëve për vitin 2015 sipas raportimeve nga pasarelat botërore, shkruan Anabel.

Kim Kardashian ka qenë ndër të parat që e ka përqafuar këtë trend. Ajo është shfaqur disa herë me këtë model flokësh të cilin duket se e pëlqen së tepërmi. Të tjerë personazhe që kanë zgjedhur t’i stilojnë flokët në këtë mënyrë kanë qenë edhe aktorja Jessica Alba, Sarah Jessica Parker, Jessica Biel, modelja Rosie Huntington-Whiteley etj.

Por edhe personazhet shqiptare nuk kanë mbetur pas. Çiljeta Xhilaga ka qenë ndër të parat që e ka sjellë këtë trend në ekranet shqiptare gjatë prezantimit të këngës së saj në festivalin “Kënga Magjike 2014” e ndjekur më pas nga prezantuesja Alketa Vejsiu dhe Ilda Bejleri.

Por jo kushdo mund t’ia dalë të duket bukur me këtë model. Duhet t’i dashurosh tiparet e tua sepse ky model e drejton të gjithë fokusin tek ato. Ndërkohë për sa i përket formës së fytyrës, ky model përshtatet më tepër tek fytyrat ovale apo në formë zemre si ajo e Kim. /Telegrafi/