Në Teatrin e Qytetit të Prishtinës - “Dodona”, të hënën do të jepet premiera e komedisë, “Më e vërtetë se e vërteta”, me tekst të autorit të njohur francez, Martial Courcier, dhe regji të Kastriot Saqipit.
Pas një pauze pothuaj dyvjeçare, Saqipi i rikthehet skenës së teatrit. Në këtë shfaqje, sipas tij, pasqyrohet bota virtuale digjitale, duke ngacmuar publikun përmes faktit të humbjes së ndjenjave njerëzore nga ndikimi i përditshëm i teknologjisë. Tema shtjellohet rreth dy shokëve, François dhe Julien, të cilëve femrat nuk u mungojnë, por nuk ndjejnë asgjë pos boshllëkut.
Valon Bujupi, Shengyl Ismaili dhe Agron Shala
“Shfaqja ka pjesë që përmban dramë, ka romancë, por ka edhe tragjedi. Në fakt, edhe pjesa komike e cila qëndron në shfaqje, kur e analizon më thellë e kupton se ka të bëjë me tragjedinë tonë, me atë se çfarë është duke na ndodh. Kemi një skenografi bardh e zi, për arsye se botën jemi ka e shohim shumë kolor dhe shumë po ia mbarojmë vetes qefin. Mirëpo, jeta jonë prej ndjenjave që i kemi shfaq botën virtuale”, ka thënë ai.
Në këto momente, thotë Saqipi për Telegrafin, ai ka emocione të jashtëzakonshme.
“Jam duke e përjetuar frikën dhe tmerrin në brendi. Por, jam i bindur se në fund të shfaqjes do ta përjetoj çastin e lumturisë nga duartrokitjet e sinqerta të publikut”, thotë Saqipi.
Regjisori Saqipi, gjatë provave
Drama fillon në ditën e 35 vjetorit të Julienit, atëherë kur François ia sjellë për robotin Chloe.
Në momentin e parë, spektatori sheh një robot. Gjatë zhvillimit të veprës, ajo “shkrihet” dhe bëhet njeri. Në bazë të programit merr vlera njerëzore të vetë krijuesit të saj gjë që i bënë dy personazhet tjera të bien në dashuri tek ajo.
“Është kjo kohë e trendëve moderne. Nëse nuk je i tillë, nuk ke vend në shoqëri. Je i mënjanuar”, thotë regjisori i shfaqjes.
Rolin e Chloes në shfaqje e luan aktorja Shengyle Ismaili. Ajo thotë se ky është rol sfidues, sidomos kur dihet se është një robot që me kohën shndërrohet në qenie njerëzore.
“Kam dëshirë të punoj me Kastriotin, sepse ai punon shumë për aktorët duke ju dhënë hapësirë që të krijojnë rolin e tyre. Teksti është interesant me tri karaktere të ndryshme. Pra, ka laramani. E kemi filluar për të pasur sukses dhe jam e bindur për sukses”, thotë ajo, duke shtuar se ky është një më ndryshe prej roleve që ka pasur deri tash.
“Ka qenë rol i vështirë, pasi gjithmonë duhesh të bësh diçka që nuk ke bërë ma herët. Pra, duhet të nxjerrësh në pah diçka që s’ke nxjerrë deri më tash”, thekson Ismaili.
Aktori tjetër, Agron Shala, i cili në këtë shfaqje e luan rolin e Julienit, ka thënë se për këtë shfaqje kanë punuar rreth dy muaj.
“Përafërsisht kemi punuar dy muaj në këtë projekt. Mendoj se secili prej nesh e njeh zanatin e vet dhe jep prej vetvetes atë çka mundet të jap. Unë mendoj se brenda këtij teksti, që nga regjisori e deri tek aktorët kemi dhënë maksimumin e mundshëm. Në këtë rast ne kemi pas një tekst që realisht ka qenë i këndshëm në lexim të parë, por gjatë rrugës kemi has në vështirësi meqë kemi parë që ky tekst nuk është i lehtë ashtu siç kemi menduar”, ka thënë ai.
Rolin e François e luan Valon Bujupi, të cilit përshtypje të parë i ka dhënë teksti.
“Roli im është i ndjeshëm, sepse është në shoqëri me Julienin, shefin e tij, dhe bënë çmos për ta ndihmuar e për ta bërë për vete, sidomos kur dihet se ai është i thyer shpirtërisht. Kemi punuar shumë në këtë shfaqje, por, më lejoni të them se gjithçka është mirë kur përfundon mirë. Rezultati i finalizimit, premierës dhe reprizave, jam i bindur se do të jetë i tillë”, thotë ai.
Posteri i shfaqjes
Komedia “Më e vërtetë se e vërteta”, e cila do të shfaqet të hënën duke filluar nga ora 19: 30, në Teatrin e Qytetit të Prishtinës “Dodona”, është shkruar në vitin 2001. Premierën e ka pasur në Paris, ku kanë luajtur aktorët e njohur: Delphine Depardieu, Paul Belmondo dhe Jean Martinez. Kjo është hera e parë që ky tekst jepet në teatrot e Kosovës. /Telegrafi/
Promo
Reklamo këtuLufta Prigozhin - Putin
Më shumëAna Komnena për zbarkimin e vikingëve në Durrës: Libri ku “për herë të parë” përmenden shqiptarët!
Dhjetë gjërat që mund t’i mësojmë nga “Thika” e shkrimtarit Salman Rushdie
Romeo dhe Zhulieta: Origjina e dashurisë tragjike
Faith Ringgold: Artistja që kapi shpirtin e ShBA-së
Inteligjenca artificiale rrezikon përkthyesit
Atentatet, tenisi dhe 250 cigare në ditë: 50 fakte nga jeta e Ahmet Zogut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin