Edhe sot, në ditën e tretë me radhë, në sheshin “Xhorxh Bush”, në Prishtinë, po mbahet Festivali i Pranverës. Ky festival ka për qëllim lirimin e hapësirave të uzurpuara në përgjithësi, në dobi të komunitetit, duke krijuar ambiente të përshtatshme për qytetarët.
Festivali i Pranverës është një mundësi për të takuar, komunikuar dhe festuar së bashku, duke krijuar një atmosferë pozitive dhe argëtuese.
Ambienti i këtij festivali është i pasur me kreativitet, me performancë muzikore dhe artistike. Në të njëjtën kohë, ka hapësira të dedikuara për rekreacion e po ashtu në mbrëmje ka edhe skenën për pjesën rinore që është e inkuadruar me muzikë.
Këshilltari komunal nga radhët e LDK-së, i cili është pjesë e organizimit të festivalit, Pëllumb Bajqinovci tha për KosovaPress se Festivali i Pranverës do ta shënojë Pranverën në Prishtinë, gjithmonë duke e rritur pjesën artistike dhe kulturore në kryeqytet.
Për dallim nga edicioni i kaluar, Bajqinovci tha se këtë vit festivali është i mbushur me më shumë aktivitete.
“Ky edicion në pjesën e dytë të tij, përveç mobilitetit, lëvizshmërisë, ka shumë edhe aktivitete të rekreacionit të sportit. Këtë vit ka më shumë art dhe kulturë, ku në pjesën e mbrëmjes kemi inkuadruar edhe me muzikë live dhe skenën për pjesën rinore të kryeqytetit… 00:23 Ndërsa, edicioni i parë ka pas karakterin e mobilitetit. Vitin e kaluar kemi filluar me unazën e brendshme, kemi filluar më shumë për vetëdijësimin e lëvizjes të lirë, pastaj duke përdorur edhe lëvizjen motorike me biçikleta dhe trotinete tjerë dhe festivali ka lind si dëshirë e asaj që sheshi në atë moment të lirohet për lëvizje, lojë rekracionale dhe shfrytëzimin e mëshumë të lëvizjes alternative.”, tha ai.
Sipas Bajqinovcit, këtë vit është rritur edhe numri i pjesëmarrësve, por që, mbetet sfidë numri i pjesëmarrësve për shkak të motit jo të mirë që po mbizotëron në vend.
Mes tjerash, ai shtoi se kjo “qeverisje e re” ka për qëllim lirimin e hapësirave në përgjithësi, të uzurpuara, trotuareve, hapësirave, të tjera të cilat janë në dobi të komunitetit
“Është rrit në pjesën e programit (numri i pjesëmarrësve), kurse në pjesën e shikuesve këtë vit moti me shi ndoshta e ka parandaluar pjesëmarrjen më masive të komunitetit…1:25 Pra, kjo qeverisje e re ka për qëllim lirimin e hapësirave në përgjithësi, të uzurpuara, trotuareve, hapësirave të tjera, të cilat janë në dobi të komunitetit. Dhe ato hapësira t’i kthejmë në shfrytëzim racional, për rekreacion, sport dhe mënyra tjera të promovimit të jetës së shëndetshme për kryeqyteti”, tha Bajqinovci.
Se ky aktivitet është mjaft i qëlluar për qytetarët e tha edhe Rina Mullarama.
Mullarama, e cila erdhi nga qyteti i Pejës me fëmijë për të parë nga afër atmosferën e festivalit, u shpreh e kënaqur me organizimin.
“Jemi ardhë këtu nga qyteti i Pejës me pa festivalin e pranverës dhe shfaqjet këtu. Jemi me fëmijë dhe shpresoj që ata do të kënaqen me aktivitete e realizuara. Jemi shumë të kënaqur dhe po kalojmë shumë mirë”, tha Mullarama.
Ata që po i shijojnë pafund këto aktivitete janë fëmijët. Derisa lozin me bashkëmoshatarët e tyre, ata shprehen të lumtur me organizimin e lojërave.
Erik Hasani shprehet i kënaqur me këtë organizim, megjithatë bën thirrje për më shumë aktivitete të tilla.
“Këto aktivitete më duken shumë bukur, sepse ne fëmijët duhet të kënaqemi…(bëj) thirrje për më shumë aktivitete”, tha Hasani.
Festivali i Pranverës ka nisur nga data 2 qershor dhe do të përfundojë sot rreth orës 23:00./kp/
Lufta Prigozhin - Putin
Më shumëDelegacioni serb largohet nga konferenca rajonale, pasi delegacioni i Kosovës përmendi sulmin terrorist në Banjskë
Një i vdekur dhe 14 të lënduar në aksidentin mes autobusit dhe veturës në Keqekollë të Prishtinës
Sveçla: Ka përfunduar koha e kontrollit të veriut nga strukturat kriminale e terroriste të Serbisë
Zvarritja e punimeve dhe rruga përplot gropa, dëmtojnë automjetet dhe krijojnë kolona të gjata në magjistralen Prishtinë-Podujevë
Policia identifikoi kamera vëzhguese të kamufluara për monitorim të lëvizjes së qytetarëve dhe institucioneve të Kosovës në veri
“E shoh në ëndërr shtëpinë dhe Çamërinë”, 80 vjet nga masakra kundër çamëve
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Faza e eliminimit direkt në Euro 2024: Kompletohen çiftet, mësohet orari
Pse nuk u takua me Vuçiqin dhe a kanë vdekur marrëveshjet e Brukselit dhe Ohrit? - krejt çka tha Kurti pas takimit në Bruksel
Grusht shteti në Bolivi? Ushtarët sulmojnë pallatin presidencial, presidenti kërkon që të respektohet demokracia
Mburrej me të pasmet e saj 27-milionëdollarëshe: Besohet se trupi i saj nuk ka asnjë të metë, megjithatë realiteti është ndryshe
Hungaria priti tri ditë për tu eliminuar nga Euro 2024, Kroacia e treta më e dobët
Tifozët belgë filluan ta shanin, De Bruyne u hakmerret menjëherë