McGregor ‘relakson’ situatën e tensionuar të futbollit: Po mendoj të blej Manchester Unitedin

Iniciativa për formimin e Superligës Evropiane – garës elitare të futbollit në Kontinentin e Vjetër, e përqafuar nga 12 klube të mëdha – është në prag të dështimit.

Manchester Unitedi një prej klubeve themeluese mund të tërhiqet nga marrëveshja, ndërkohë që ithtari i kësaj nisme, Ed Woodward, dha dorëheqje nga posti i shefit ekzekutiv të klubit lidhur me mosmarrëveshjet për pjesëmarrje në kompeticionin e përmendur.

Dhe derisa situata ndërmjet UEFA-s dhe udhëheqësve të klubeve që planifikonin ‘shkëputjen’ është tensionuar në mase të madhe, ylli i UFC-së ka ardhur me një postim ngacmues në Twitter.

Hey guys, I’m thinking about buying Manchester United!
What do you think?

— Conor McGregor (@TheNotoriousMMA) April 20, 2021

“Hej njerëz, po mendoj që ta blej Manchester Unitedin! Cfarë po mendoni?”, ka shkruar McGregor duke nxitur reagime nga më të ndryshme.

Ish-kampioni i dyfishtë i UFC-së është një tifoz i madh i futbollit, mirëpo në Angli ekziston konfuzitet se cili është klubi i tij i zemrës. Kjo për faktin se ‘The Notorious’ ka thënë se i mbështet dy klubet rivale: Liverpool dhe Manchester United. /Telegrafi/