Një fëmijë katër vjeçar ka humbur jetën pasi është mbytur në lumin e fshatit Blaç të Dragashit.

Lajmin e ka konfirmuar për Telegrafin zëdhënësi i PK-së për rajonin e Prizrenit, Shaban Osmanollaj.

“Rreth orës 20:02 minuta Policia është informuar se një fëmijë 4 vjeçar është gjetur në lumin e fshatit Blaç pa shenja jete. Vdekjen e tij e ka konstatuar mjeku i fshatit. Në vendin e ngjarjes kanë dalë hetuesit dhe forenzika”, deklaroi Osmanollaj.

Osmanollaj ka thënë sipas informacioneve të para fëmija ka rënë në lum derisa ishte duke lozur me fëmijët tjerë.

Pasi banorët kishin dëgjuar se fëmija ka rënë në lumë janë mobilizuar dhe kanë filluar kërkimet.

Pas një ore kërkim, fëmija është gjendur pa shenja jete në rrjedhën e lumit në fshatin Zgatar, fshat fqinj me Blaçin./Telegrafi/