Mbushësi i rrudhave të buzëve

Cepat e buzëve dhe pjesa mbi buzën e sipërme, me kalimin e viteve, i humbin ravijëzimet c qarta. Kjo mund të ndreqej me një pomadë dhe laps konturor, por, nëse buzët tuaja janë me rrudha vertikale, kozmetika nuk bën dot gjë.

Rrudhat rreth buzëve shfaqen si pasojë e plakjes së natyrshme, por shkaku i kësaj dukurie dhe sasia varet nga trashëgimia dhe vesi i keq, pirja e duhanit. Rol luan edhe forma e nofullës dhe e dhëmbëve: sa më pak e dalë përpara të jetë nofulla aq më dobët dhëmbët shërbejnë si mbështetje për lëkurën rreth gojës, duke e bërë më të ndjeshme ndaj formimit të rrudhave dhe palave.

Preparatet me acid hialuronik mund të veprojnë fare mirë në rrudha të tilla. Efekti zgjat deri në katër muaj, nëse ju pini duhan dhe deri gjashtë muaj, nëse jo, transmeton Telegrafi.

Ka shumë rëndësi t’i bëni masazh buzëve, sepse, për shkak të lëvizjeve gjatë përtypjes dhe bisedave, mbushës i mund të zhvendoset dhe të krijojë shuka të vogla. Bëjini masazh lëkurës së buzëve tri herë në ditë gj atë 7-10 ditëve pas procedurës, për ta shmangur këtë.

Këshilla
* Lëreni duhanin. Gjatë pirjes së duhanit ju thithni lëndët kimike, të cilat përshpejtojnë shpërbërjen e kolagjenit dhe do të keni rrudha të tmerrshme në buzë.

* Përdorni për buzët lëndë zbutëse dhe balsam me filtër mbrojtës nga dielli. Thatësira krijon rrudha në buzë.

* Disa balsame mund t’i bëjnë buzët më të fryra (përkohësisht).

* Pas procedurës përdorni pomadë dhe laps konturor për ta bërë më të theksuar efektin.
Një makijazh (tatuazh) i përkohshëm gjithashtu duket bukur. /Telegrafi/