Të paktën 21 persona kanë gjetur vdekjen dhe disa të tjerë janë plagosur pasi një zjarr shpërtheu në një ndërtesë banimi në kampin e dendur të refugjatëve Jabalia në Rripin verior të Gazës, sipas burimeve lokale.

Reklama

Siç shkruan Al Jazeera, përcjell Telegrafi, ambulancat dërguan disa të plagosur në spitalet lokale dhe Izraeli, i cili së bashku me Egjiptin mban një bllokadë në Gaza, tha të enjten se do të lejonte ata që kanë nevojë për trajtim mjekësor.

Ministria e Brendshme e Gazës tha se një hetim fillestar zbuloi se sasi të mëdha benzine ishin ruajtur në atë vend, duke nxitur zjarrin që përfshiu shpejt ndërtesën.

Reklama

Kështu, zjarrfikësve iu deshën më shumë se një orë për të vënë nën kontroll flakët masive që shpërthyen në katin e fundit të një ndërtese banimi katërkatëshe.

Reklama

Dëshmitarët thanë se mund të dëgjonin ulërima, por nuk mund të ndihmonin të bllokuarit brenda për shkak të intensitetit të zjarrit.

Ndërkohë po vazhdojnë kërkimet për disa persona të cilët mbeten të zhdukur.

“Është një incident tragjik. Shumë nga viktimat nuk janë identifikuar ende pasi janë djegur keq”, ka thënë korrespondentja e Al Jazeera, Youmna ElSayed, duke raportuar nga Gaza.

Ajo tha se qirinjtë e ndezur gjatë një festimi të ditëlindjes shkaktuan zjarrin.

Reklama

“Kur u ndezën qirinjtë, një zjarr shpërtheu shpejt dhe ndodhi një shpërthim”, citohet të ketë thënë ajo.

Presidenti palestinez Mahmoud Abbas e quajti atë një tragjedi kombëtare dhe tha se do të kishte një ditë zie.

Jabalia është një nga tetë kampet e refugjatëve në Gaza, ku jetojnë 2.3 milionë njerëz dhe një nga zonat më të dendura të populluara në botë. Enklava ka qenë nën një bllokadë ajrore, detare dhe tokësore të vendosur nga Izraeli që nga viti 2007. /Telegrafi/

Reklama