Mateo Retegui, djaloshi që lindi në Argjentinë debutoi me gol me fanellën e Italisë

Mateo Retegui shënoi në debutimin e tij në Itali, megjithëse në një disfatë ndaj Anglisë, dhe ndihet shumë krenar për vete dhe familjen e tij që përfaqëson Azzurrët.

23-vjeçari, i lindur dhe i rritur në Argjentinë, por me rrënjë nga Italia, ishte e vetmja shkëndijë e shndritshme në humbjen 2-1 në shtëpi ndaj Anglisë , duke gjetur rrjetën me një gjuajtje të fortë brenda zonës.

“Lorenzo Pellegrini më dha një asistim të madh, jam i kënaqur që kam shënuar dhe kjo do të më rrisë besimin. Doja të fitoja, kjo është gjëja më e rëndësishme”.

“Jam i trishtuar për humbjen, por shumë i lumtur që debutova me këtë fanellë që përfaqëson Italinë”.

“Ndihem shumë krenare për mua dhe familjen time që veshim këto ngjyra. Do të doja të debutoja me një fitore, por ne duhet të punojmë për të korrigjuar gabimet tona dhe për të fituar ndeshjen e radhës”, ka thënë Retegui për RAI Sport.

Mateo Retegui luan te Tigres në Argjentinë, ku shënon rregullisht.

Dy të parat nga secili grup kualifikohen drejtpërdrejt në EURO 2024 në Gjermani dhe Azzurri janë në të njëjtin grup me Maqedoninë e Veriut, Ukrainën dhe Maltën. /Telegrafi/