Maskë për fytyrën e thatë me avokado

Cilado qoftë arsyeja e tharjes së lëkurës tuaj, kjo maskë do t’ju bëhet një aleate e mirë.

Anila Mirdita
BioNatural Shop
www.facebook.com/BioNaturalShop

Lëkura është vija e parë e mbrojtjes së organizmit: ajo shmang hyrjen e substancave të huaja dhe rregullon kalimin e ujit. Mund të dëmtohet nga zakonet e gabuara ushqimore, kushtet klimatike, detergjentet e forta, etj.

Në lëkurën e thatë shfaqen rrudhat e para më herët se sa në tipat e tjerë të lëkurës. Cilado qoftë arsyeja e tharjes së lëkurës tuaj, kjo maskë do t’ju bëhet një aleate e mirë.

Përbërësit:

• ½ avocado
• 3 pika vaj esencial jojoba
• 5 pika vaj trëndafil i egër (kaça)

Përgatitja:

Për të përgatitur maskën tuaj, bëni pure avokadon duke e futur në mikser, shtoni vajin e jojobës dhe të trëndafilit të egër.

Aplikoni maskën në lëkurën e fytyrës, e cila është pastruar më parë. Lëreni të veprojë për 15 minuta dhe shpëlajeni me ujë të ngrohtë. Më pas, aplikoni një krem hidratant apo vaj bimor.

Avokado përmban vitaminë E, e cila ndihmon në parandalimin e rrudhave të shkaktuara nga veprimi i radikaleve të lira.
Vaji i jojobës është i pasur me vitamina E, B2, B3 dhe minerale, të cilat trajtojnë problemet e lëkurës së thatë. Depërton shpejt në lëkurë, nuk është i rëndë, ju lë ndjesi të butë.
Vaji i trëndafilit të egër është një vaj i çmuar për rigjenerimin e lëkurës, ka efekt anti-rrudhë, mbron lëkurën nga plakja e parakohshme. /Telegrafi/