Marrëveshja për Termocentralin “Kosova e Re”, arritje e Qeverisë

Demokracia Plus (D+) ka lansuar platformën për premtimet zgjedhore, kjo platformë përfshin 100 premtime për 10 fushat që partitë i kanë dhënë premtime në zgjedhjet e kaluara.

Jetmir Bakija hulumtues në Demokracia Plus, tha se platforma për premtimet zgjedhore, ka për qëllim të rris transparencën me publikun.

“Ne si institut i kemi vlerësuar programet partiake në zgjedhjet e përgjithshme të vitit 2017. I kemi 100 premtime për 10 fusha. Këto i kemi bërë publike që çdo kush mund t’i shoh. Të gjitha janë të matshme. Mund të shikoni në http://qeverisjatani.info/. Ka shumë shembuj ku mund të shihet se sa është punuar: sa do të jetë rritja ekonomike, a ka të punësuar në shëndetësi”, tha sot në emisionin e mëngjesit në RTK.

Ai bëri me dije se në ekonomi ka më shumë premtime që janë të matshme. “Kemi edhe fusha të tjerë,a si në shëndetësi, arsim, shërbime sociale etj”, theksoi ai.

Bakija vlerësoi se njëri ndër premtimet që ka pasur progres ka të bëj me ndërtimin e Termocentralit “Kosova e re”.

Sipas tij, edhe tek prodhimi vendor ka pasur pak progres, por mbetet të shihet se si do të shkojnë punët. /Telegrafi/