Prodhuesi Korean Genesis ka prezantuar një Coupe elektrik nën emërtimin X.

Genesis X është një makinë koncept me të cilën marka premium në pronësi të Hyundai hap një kapitull të ri në historinë e tij të shkurtër, transmeton Telegrafi.

Është një automjet GT me linja të theksuara sportive, i cili tregon një drejtim të ri të mundshëm në të cilin Genesis do të lëvizë në të ardhmen e rezervuar për automjetet elektrike.

Prodhuesi Korean përshkruan modelin e kësaj makine si “elegancë atletike” që marka mund të adoptojë për modelet e saj të reja

Pjesa e përparme e automjetit dominohet nga një maskë tipike me të cilën kjo markë e re e makinave premium është e njohur, ndërsa dritat janë bërë në formën e dy shiritave të hollë paralelë LED, një detaj elegant që mund të shihet në modelet standarde të Gensis.

“Kabina” është projektuar në mënyrë që pozicioni i shoferit të dalë jashtë. Brendësia duket shumë luksoze, dhe dizajni është minimalist.

Konstruktorët parashikuan që Genesis X mund të strehonte në mënyrë të qetë katër të rritur dhe t’ju drejtojë në udhëtime më të gjata.

Detajet në lidhje me sistemin e drejtimit nuk janë njoftuar, gjë që nuk është e çuditshme duke marrë parasysh se kompania thekson se tani për tani është vetëm një studim i dizajnit dhe se ne nuk do të shohim një version të prodhimit të kësaj makine në një të ardhme të parashikueshme, gjë që është vërtet për të ardhur keq.

Akoma, Genesis e lë derën hapur për t’u ofruar klientëve një model të ngjashëm serial me makinë elektrike në të ardhmen. /Telegrafi/