Marigona Hill dhe Raiffeisen Bank lansojnë mundësinë e financimit të blerjes së shtëpisë, tarracierit apo apartamentit pa hipotekë

Në një konferencë për media të mbajtur sot, Marigona Hill ka nënshkruar marrëveshje me bankën Raiffeisen për financimin e klientëve për blerjen e shtëpisë, tarracierit apo apartamentit në Marigona Hill, pa hipotekë dhe me kushte jashtëzakonisht të favorshme.

Drejtori i përgjithshëm i Marigona Hill, z. Uragan Alija u shpreh se është i lumtur për këtë mundësi që po u ofrohet klientëve pasi që ajo do t’ua bëjë shumë më të lehtë qytetarëve blerjen e një shtëpie apo apartamenti në këtë qytezë, marrë parasysh problematikën e hipotekave në vend dhe inflacionin e muajve të fundit.

Ndërsa, Udhëheqësi i bankës Raiffeisen për klientë individual dhe premium, z. Erik Roka deklaroi se një klienti të bankës i duhet të ketë 10 -15% të shumës së financimit dhe pjesën tjetër mund ta marrin në bankë, pa hipotekë me normë interesi jashtëzakonisht atraktive.  Duke shtuar këtu një pako të shërbimeve bankare të përgatitura enkas për klientët.

Marigona Hill mbetet e përkushtuar që përveç ofrimit të një jetese të mirë, të ofrojë edhe mundësi të reja për të gjithë ata që dëshirojnë të bëhen pjesë e një komuniteti në një qytezë përrallore.

Qyteza “Marigona Hill” është e konceptuar dhe po ndërtohet sipas standardeve të larta të ndërtimit dhe atyre ekologjike, duke siguruar harmoni të plotë me natyrën.