Maria Granovskaia mund të largohet nga Chelsea pasi Abramovich ka filluar procesin e shitjes së klubit

Me largimin e pronarit Roma Abramovich, nga Chelsea pritet të largohen edhe kryetari i klubit, Bruce Buck dhe drejtoresha Marina Granovskaia.

Dyshja janë figura shumë me ndikim në sukseset e Chelsea t gjatë viteve të fundit dhe kanë qenë pjesa thelbësore e ekipit të Abramovich në terren.

Marina Granovskaia është lavdëruar ndër vite për sukseset e saj në transferimet dhe politikat e klubit.

Por Abramovich kërkon të nxitojë për shitjen e klubit të tij dhe dyshja mund të largohen pas disa javësh.

Pse Abramovich po shet Chelsean?

Vendimi i Abramovich për të shitur është rezultat i pushtimit rus të Ukrainës.

Duke pasur parasysh marrëdhëniet e tij të ngushta me presidentin rus Vladimir Putin – të cilën ai e mohon – Abramovich thuhet se është në listën e individëve që qeveria britanike po synon ta sanksionojë.

Lexo po ashtu Të gjitha lajmet nga Chelsea

Këto masa nuk janë zbatuar ende – pavarësisht se lideri laburist Keir Starmer i kërkon qeverisë konservatore ta bëjë këtë – dhe mbetet për t’u parë nëse Abramovich mund ta përfundojë shitjen brenda një afati kohor.

Ai tashmë ua ka dorëzuar “administrimin dhe kujdesin” e klubit administratorëve të fondacionit bamirës të Chelseat, por procesi i shitjes mund të marrë javë apo edhe muaj për t’u finalizuar.

Ai kërkon 3 miliardë euro – diçka që shihet si një vlerësim i lartë dhe ekziston vetëm një grup i përzgjedhur individësh që mund të përballojnë këtë blerje.

Kush mund ta blejë Chelsean?

Një prej tyre mund të jetë britaniku Sir Jim Ratcliffe, themeluesi i Ineos Group. Ai raportohet se ka një pasuri prej 7.5 miliardë euro.

Ratcliffe është një tifoz i përjetshëm i Manchester United, por ka biletë sezonale te Chelsea.

Ai tashmë zotëron skuadrën e Ligue 1, Nice, dhe ekipin profesionist të çiklizmit Ineos Grenadiers, i cili u largua nga Team Sky.

Gjithashtu në listën e mundshme të blerësve është edhe amerikani Todd Boehly.

Boehly është një pjesë e pronësisë së LA Dodgers dhe LA Lakers, dhe thuhet se kishte një ofertë të mëparshme për Chelsean që u refuzua në 2019.

Dy emra të tjerë në kornizë janë miliarderi zviceran Hansjorg Wyss, i cili dha lajmin për dëshirën e Abramovich për të shitur, dhe pronari i Miami Dolphins, Stephen Ross. /Telegrafi/