Maqedoni, Gjykata administrative po vendos për paditë e partive kundër vendimeve të KSHZ-së

Këshillat gjyqësor pranë Gjykatës administrative kanë filluar të shqyrtojnë paditë e dorëzuara nga partitë politike kundër vendimeve të Komisionit shtetëror zgjedhor për ankesat në lidhje me votimet e rrethit të parë zgjedhor të zgjedhjeve lokale të mbajtura më 15 tetor.

Siç informojnë nga Gjykata administrative, janë dorëzuar 27 padi, nga të cilat 24 nga ana e OBRM-PDUKM, 2 nga BPRM dhe 1 nga E majta.
Këshillat e Gjykatës administrative duhet të deklarohen në lidhje me këto padi brenda 48 orëve.

Lexo po ashtu OBRM-PDUKM dorëzon numrin më të madh të padive në Gjykatën administrative

Për këto padi do të sjellin vendim pesë këshilla gjyqësorë të përbërë secila nga pesë gjykatës të Gjykatës administrative të zgjedhur rastësisht.

Paditë ju shpërndahen gjykatësve në mënyrë elektronike, ndërsa vendimet do të sillen në seancë të hapur.

Gjykata administrative mbrëmë refuzoi padinë e Gjorgji Sharkovski kundër “administratës shtetërore në Krivogashtani” për shkak të pamundësimit të mbledhjes së nënshkrimeve për kandidaturë të kryetarit dhe anëtarëve të këshillit në këtë komunë./Telegrafi/