Manchester City ka arritur të shënojë fitore ndaj Evertonit si mysafirë me rezultat 3-1 në ndeshjen e mbetur të javës së 16-të të Ligës Premier.
Skuadra e Pep Guardiolas po vazhdon të marshojë drejt titullit kampion, duke mos njohur rival në kampionat.
Phil Foden e hapi takimin kur shënoi në minutën e 32-të të takimit.
Por Evertoni u kundërpërgjigj pas pesë minutash kur Richarlison shënoi nga afër për 1-1, por kjo ishte e gjitha çfarë mund të bënë.
Kjo pasi City shënoi dy herë në pjesën e dytë për të siguruar fitoren.
Fillimisht në minutën e 63-të shënoi Riyad Mahrez për 2-1.
Ndeshja u mbyll në minutën e 77-të kur Bernado Silva shënoi për 3-1.
Me këtë fitore Manchester City ka 56 pikë, apo dhjetë më shumë se Manchester United dhe Leicester që janë në ndjekje të tyre. /Telegrafi/
