Maksuti: Në vitin 2014 nuk mund të bëhesha zv. ministër njëjtë si Kovaçki

Zëvendësministri aktual i Mbrojtjes, Bekim Maksuti thotë se i është dashur të presë tre vjet si civil në qeverinë e mëparshme për të marrë postin. Për shkak të kësaj për “360 gradë” thotë ai se në vitin 2011 ai la shërbimin ushtarak për që të mund të bëhej pjesë e qeverisë.

Këtë Maksuti e thotë në kontekstin e vendimit të LSDM-së për të mos pranuar propozimin e OBRM-PDUKM-së për ministër teknik të Brendshëm Dragan Kovaçkin, sepse siç thonë nga koalicioni qeverisës, është antikushtetues sepse personi aktualisht nuk është civil, ndërsa të paktën tri vjet duhet të jetë person civil.

“Në vitin 2014, unë u propozova nga BDI për zv. ministër i Mbrojtjes. Por unë nuk u zgjodha, sepse OBRM-PDUKM në pushtet në atë periudhë, u thirr në nenin 97 të Kushtetutës dhe kërkesën për minimum prej tre vjetësh të shërbimit civil para emërimit në një pozicion të lartë drejtues në polici ose mbrojtje”, deklaron Maksuti.

Në vitin 2016, me propozimin e kryeministrit teknik të OBRM-PDUKM-së, Emil Dimitriev, Bekim Maksuti u zgjodh zv. ministër i mbrojtjes pasi plotësoi kriteret e të qenit person civil për të paktën tre vjet./Telegrafi/