Makedonija Gjorçe Petrov ka arritur të fitojë kupën e Maqedonisë së Veriut për të dytin vit radhazi, pas që në finale mundën Struga Trim Lum, shkruan Telegrafi Maqedoni.
Fituesi i duelit në mes këtyre dy ekipeve u vendos përmes penaltive.
Makedonia Gjorçe Petrov e fitoi pjesën e parë 1-0 me golin e kapitenit Mishevski me goditje nga pika e bardhë. Në pjesën e dytë Struga në minutën e 79-të me anë të Jusufit barazoi reultatitn për 1-1.
Deri në fund të pjesës së rregullt nuk pati ndryshime në rezultat, ashtu ishte edhe në 30 minutat shtesë, deri te radha e 11 metrave.
Në serinë e penalltive, Struga nuk shënoi as edhe një herë, skuadra e Makedonija GjP. shënoi dy herë përmes Liçinës dhe Skënderit, që mjaftoi për të fituar Kupën.
Për skuadrën e Makedonija GjP. ky ishte trofeu i tretë në Kupë pas atyre të vitit 2022 dhe 2006./Telegrafi/
