Madonna, 67 vjeçe, tërhoqi vëmendjen gjatë një nate luksoze në Londër, teksa u pa dorë për dore me partnerin e saj 29-vjeçar, Akeem Jeffries.
Ylli i popit kishte veshur një korse të zezë me dantella dhe panele transparente, të kombinuar me një kostum të zi dhe bizhuteri ari.
Çifti u fotografua duke hyrë në klubin ekskluziv Lou Lou’s në Mayfair, të shoqëruar edhe nga stilisti legjendar Tom Ford, 64 vjeç, shkruan DailyMail.
Akeem, ish-futbollist kolegji, kishte zgjedhur një kostum me vija dhe syze dielli për natën.
Romanca mes Madonnës dhe Akeemit filloi në vitin 2022, por u konfirmua publikisht në korrik 2024. Pas një ndarjeje të përkohshme në tetor, ata janë bashkuar sërish.
Kohët e fundit, Madonna ndezi thashethemet për një fejesë, pasi u shfaq me një unazë diamanti në rrjete sociale.
Në planin profesional, aktorja Julia Garner, 31 vjeçe, ka konfirmuar se do të luajë rolin e Madonnës në filmin biografik që është ende në zhvillim, me vetë këngëtaren në rolin e regjisores dhe skenaristes.
Julia, e njohur nga seriali "Ozark", përmendi "Borderline" dhe "Papa Don’t Preach" si dy nga këngët e saj të preferuara të ikonës së popit. /Telegrafi/
