Një mace e quajtur Broch kaloi gjysmë ore në një makinë larëse dhe mbijetoi. Ngjarja ka ndodhur në qytetin Dnipro në Ukrainë.

Pronarët shpjeguan se maces Brooch normalisht i pëlqen të flejë në lavatriçe, dhe duke qenë se është gri si pjesa e brendshme e makinës, ata nuk e vunë re atë kur ishte ndezur.

Kjo është publikuar në faqen e Facebookut të klinikës veterinare lokale “Na Rabochaya”. Sipas stafit të klinikës, ku u dërgua macja pas ngjarjes, Brooch ishte në lavatriçe për rreth 30 minuta para se pronarët të dëgjonin britmat e tij.

“Imagjinoni tronditjen dhe tmerrin kur kupton që macja lahet për kaq shumë kohë. Çuditërisht kur u hap makina, macja doli jashtë dhe u përpoq të fshihej. E kapën, e thanë dhe e çuan menjëherë te veterineri”, shtuan ata.

Stafi i klinikës ka deklaruar se gjatë ekzaminimit kanë zbuluar se kafsha kishte temperaturë të ulët dhe fishkëllimë në mushkëri. Sytë e tij nuk ishin mjaftueshëm të hapur për shkak të pluhurit dhe goja i vinte erë të fortë detergjenti. /Telegrafi/