LVV thërret në interpelancë Agim Veliun për patrullimin e xhandarmërisë serbe në Karaçevë

Lëvizja Vetëvendosje ka bërë të ditur se gjatë ditës së sotme në emër të Grupit Parlamentar të kësaj partie, është paraqitur lënda që thërret në interpelancë ministrin e Punëve të Brendshme, Agim Veliu.

LVV njofton se këtë lëndë e ak paraqitur nënkryetarja e partisë, Fatmire Mulhaxha Kollçaku për çështjen e patrullimit të pjesëtarëve të ushtrisë serbe në territorin e Republikës së Kosovës.

“Vetëpërjashtimi që po bënë Qeveria e Kosovës nga përgjegjësia kushtetuese dhe ligjore për të kontrolluar kufijtë dhe integritetin territorial dhe për të mbrojtur qytetarët, është i papranueshëm dhe dëmton edhe më shumë pozitën e Kosovës. Kjo sjellje e papërgjegjshme sikur ajo pjesë nuk është brenda territorit të Republikës së Kosovës vetëm sa nxitë ndërhyrjet e Serbisë”, thuhet në komunikatë.

“Sot, Nënkryetarja e Lëvizjes, njëherit deputetja Fatmire Mulhaxha Kollçaku, në emër të Grupit Parlamentar të Lëvizjes VETËVENDOSJE! ka paraqitur lëndën që thërret në interpelancë Ministrin e Punëve të Brendshme dhe Administratës Publike, Agim Veliun, për çështjen e patrullimit të pjesëtarëve të uniformuar të Republikës së Serbisë në territorin e Republikës së Kosovës, respektivisht në fshatin Karaçevë të Komunës së Kamenicës”, njofton LVV-ja.

Lexo po ashtu KFOR-i dhe Policia e Kosovës me plan të sigurisë në Kamenicë

Ndryshe, KFOR-i dhe Policia e Kosovës kanë filluar planin me Policinë Kufitare për veprimtaritë operacionale të përbashkëta që do të bëhen në zonën e Komunës së Kamenicës.

Përmes një komunikate për medie, KFOR ka njoftuar se këto plane nisën pas takimit që pati dje Sherfi i operacioneve të misionit të KFOR-it në Kosovë dhe drejtoritë të PK-së, Rashit Qalaj.

Lexo po ashtu Dalin pamje të reja të xhandarmërisë serbe në Karaçevë, kërkohet intervenimi i KFOR-it dhe institucioneve qendrore të Kosovës

Kurse, ditë më parë, banorët e fshatit Karaçevë të Kamenicës janë shprehur tejet të brengosur, për faktin se nëpër parkingun e një restoranti të këtij fshati janë parë dhe filmuar pjesëtarët e xhandarmerisë serbe duke kaluar. /Telegrafi/