LAJMI I FUNDIT:

Lushtaku me akuza ndaj Osmanit e Kurtit: Pavarësisht pengesave që po më bëhen, do të jem në krye të qeverisjes së Skenderajt

Lushtaku me akuza ndaj Osmanit e Kurtit: Pavarësisht pengesave që po më bëhen, do të jem në krye të qeverisjes së Skenderajt

Kryetari i Degës së Partisë Demokratike të Kosovës në Skenderaj, Sami Lushtaku, përmes një video-adresimi, ka thënë se pavarësisht pengesave që po i bëhen, me besim të qytetarëve të Seknderajt me 17 tetor, ai do të jetë pranë qytetarëve, në krye të qeverisjes së Skenderajt.

“Edhe pse po pengohem, unë i siguroj qytetarët se me besimin e tyre me 17 tetor, për PDK-në, unë do të jem në krye të qeverisjes së Skenderajt”, tha ai.

Lushtaku ka thënë se krerët shtetëror, presidentja Vjosa Osmani dhe kryeministri Albin Kurti kanë bërë presion mbi institucionet e pavarura dhe ato të drejtësisë, për ta penguar kandidaturën e tij.

“Duke parë përkrahjen e madhe të cilën e ka PDK në Skenderaj dhe unë si kryetar dege e kandidat për kryetar të komunës, për të ma pamundësuar kandidimin tim, është bërë presion i madh mbi institucionet e pavarura e ato të drejtësisë”, tha Lushtaku.

Përmes këtij video-adresimi, Lushtaku ka thënë se tendencën për ta dëmtuar PDK-në në Skenderaj, individë e grupe të caktuara e kanë pasur edhe në zgjedhjet parlamentare të 14 shkurtit, të cilët, siç tha ai, kanë punuar në favor të partive tjera, por kanë dështuar.

“Edhe në këto zgjedhje, ata prapë do të dështojnë. Sepse Skenderaj është zemra e UÇK-së dhe zemra e PDK-së. PDK e Hashim Thaçit dhe e Kadri Veselit, as nuk thyhet e as nuk dorëzohet”, tha Lushtaku.

Kreu i PDK-së në Skenderaj tha se gjithmonë i ka respektuar vendimet e shtetit dhe do ti respektoj gjithmonë.

“Por këtë nuk e ka bërë Albin Kurti i cili edhe pse i dënuar nga drejtësia, sot është kryeministër. Unë nuk i kam lënë vet asnjëherë qytetarët e vendit tim dhe nuk do t’i lë as këtë herë. Edhe pse po pengohem, unë i siguroj qytetarët se me besimin e tyre me 17 tetor për PDK-në, unë do të jem në krye të qeverisjes së Skenderajt”, tha Lushtaku.

“Skenderaj dhe PDK janë rritur e zhvilluar së bashku, andaj edhe në këto zgjedhje, PDK do të dalë fituese bindëse dhe unë do të jem pranë qytetarëve të Skenderajt në mandatin e ardhshëm”, tha ai.

Lushtaku tha se do t’i shterrë të gjitha mjetet juridike në dispozicion për të vënë në pah të drejtën e të vërtetën.

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive

Si ndikon dygjuhësia në zhvillimin neurokognitiv te fëmijët dhe roli i teknologjisë – shpjegon Pervizaj, mjeke Neuroshkencës Kognitive

Elfije Boletini
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë

Këshilli i Sigurimit i OKB-së refuzon serish propozimin rus të diskutohet për sulmet ajrore të NATO-s mbi Serbinë

Lajme
Kalo në kategori