Lukaku flet me presidentin e Interit për Asllanin: Ka vetëm 20 vjet, por sillet si 27 – me pëlqen mentaliteti i tij

Romelu Lukaku e ka vlerësuar lartë dhe lavdëruar shumë mesfushorin shqiptar, Kristjan Asllani, pasi të dy u takuan dje (e mërkurë) për t’i kryer testet mjekësore para nënshkrimeve me Interin.

Reprezentuesi shqiptar 20-vjeçar erdhi nga akademia e të rinjve të Empolit dhe i ndihmoi ata të ngjiteshin në Serie A përpara se të bëhej një figurë kyçe në sezonin e tyre në elitën e futbollit italian.

Ai bëri testet mjekësore dje në mëngjes dhe sot u prezantua si lojtar i ri i Interit, i huazuar për 4 milionë euro me detyrim blerje për 10 milionë euro të tjera.

Lexo po ashtu Kristjan Asllani - numri i fanellës, e përbashkëta me Interin dhe historia e tij motivuese deri tek transferimi te Nerazzurrët

Kjo nuk ishte e gjitha, pasi shoku i ri i Asllanit, Lukaku, i cili gjithashtu kreu testet mjekësore dje, e ka lavdëruar talentin shqiptar.

Lukaku shihet në një video duke folur me Presidentin Steven Zhang dhe duke këmbëngulur se Asllani do ta befasojë.

Lexo po ashtu “Kurrë nuk e kam imagjinuar këtë”, fjalët e para të Asllanit si lojtar i Interit

“Dola me djaloshin e ri, Asllanin. Më pëlqeu mentaliteti i tij. Do t’ju befasojë. Ishte 20 vjeç, por fliste si një 27-vjeçar”, dëgjohet Lukaku duke i thënë presidentit Zhang.

Ndryshe, Asllani ka folur edhe vet pas prezantimit të Interi, duke treguar se ndihet i lumtur dhe mezi pres ta nis aventurën, të cilën ‘kurrë nuk e besonte’ se do ta arrinte. /Telegrafi/

🎙
Let me introduce:
Class of 2002, midfielder… Kristjan Asllani 🥁🥁#ForzaInter #WelcomeKristjan pic.twitter.com/eWTwaNgqyz

— Inter ⭐⭐ (@Inter_en) June 30, 2022