Lufto flokët e thinjur me maska natyrale

Edhe pse një problem gjenetik, thinjat në flokë mund të eliminohen me disa maska natyrale, të cilat kanë dhënë mjaft rezultat.

Flokët e thinjur, siç dihet nuk kanë lidhje me moshën dhe vitet. Thinjat e para, shumë njerëzve u dalin qysh në 20-at e hershme dhe zgjidhja e menjëhershme është gjithmonë lyerja.

Nëse kjo e fundit nuk ndodh në disa raste, ka ende mënyra si t’i zhdukësh thinjat, ose të paktën t’i bësh të mos duken.

Fillimisht, thinjat vërehen në zona të caktuara dhe deri në fund të viteve 50-të, mesatarisht 80 për qind e flokëve janë të zbardhur.

Maskat e mëposhtme do t’ju ndihmojë për të rikthyer ngjyrën e errët të flokëve dhe për të parandaluar shfaqjen e mëtejshme të thinjave, transmeton Telegrafi.

Çfarë të konsumosh?

Zakonisht, dermatologët këshillojnë që flokët e thinjur duhen trajtuar vazhdimisht, por edhe ushqimi ka rol të rëndësishëm, shkruan revista class. Për të shmangur flokët e thinjur rekomandohen ushqime të pasura me acide yndyrore esenciale dhe omega: vaj ulliri, avokado, fruta të thata si arra dhe fara, si dhe ato të pasura me vitamina B dhe E, magnez dhe zink.

Vaj ulliri dhe mjaltë

Përziej në sasi të barabartë vajin e ullirit dhe mjaltin. Pasi t’i kesh përzier mirë, lyej flokët deri në rrënjë me të gjithë masën. Mbuloje kokën me një qese plastike, hidhi një peshqir të ngrohtë dhe mbaje për 30 minuta. Më pas laji flokët si zakonisht. Përdore këtë maskë të paktën një herë në javë.

Lëng limoni dhe vaj kokosi

Përziej po në sasi të barabarta vajin e kokosit dhe lëngun e limonit (si në përzierjen e mëparshme). Kjo përzierje është mjaft efektive për parandalimin e thinjave dhe rënies së flokëve. Përdore një herë në javë.

Piper i zi, kos dhe vaj bajame

Përziej mirë 1 gr piper të zi, gjysmë filxhani kos, gjysmë luge çaji lëng limoni dhe vaj bajame. Lyeji flokët që nga maja në rrënjë me të gjithë përzierjen dhe mbaje për 30 minuta. Përdore maskën 1-2 herë në javë.

Kafe, kos dhe uthull molle

Për këtë maskë duhet të përziesh gjysmë filxhani kafe, një filxhan kos natyral dhe 1 lugë uthull molle, derisa të përfitosh një masë homogjene. Pasi t’i kesh larë flokët si zakonisht, aplikoje maskën nga rrënjët në maja dhe mbaje për 90 minuta. Rekomadohet të përdoret dy herë në javë për 5-6 javë rresh. /Telegrafi/