Lorik Cana mund të emërohet drejtor sportiv te klubi zviceran Lausanne-Sport, aty ku i mori hapat e parë në futboll

Sipas mediumit zviceran “Le Matin”, ish-kapiteni legjendar i Shqipërisë mund të emërohet drejtor sportiv i klubit të Lausanne-Sport.

Klubi që ka për pronar miliarderin Jim Ratcliffe dhe kompaninë Ineos, pritet të bëjë ndryshime për ta kthyer klubin në majat e futbollit zviceran, pasi me gjasa nga sezon i i ardhshëm do të jetë pjesë e elitës.

Ineos që ka aksione dhe te klubi francez OGC Nice, pritet që ta ftojë Lorik Canën që ta marr rolin e drejtorit sportiv.

Cana është njohje e vjetër Julien Fournier, pasi në vitet 2000, së bashku me futbollistin shqiptar ishin te Olympique Marseille.

Lorik Cana, ish-kapiteni i Kombëtares Shqiptare, e njeh mirë klubin e Lausanne-Sport, pasi aty i ka marr hapat e parë të futbollit,  ku ka stërvitur midis moshave 12 dhe 17 vjeç, përpara se të kalonte te Paris St-Germain.

Cana kishte mbërritur në Zvicër pak pa mbushur dhjetë vjet, duke ikur nga lufta e Kosovës.

Përveç OM dhe PSG, ai ka luajtur edhe për klube të njohura si Sunderland, Galatasaray, Lazio dhe Nantes.

Ai ka 94 paraqitje me Shqipërinë (rekord), ndërsa luajti edhe në Euro 2016 si kapiten.  /Telegrafi/