Lojtari i kriketit bëri “goditjen e madhe”, por topi përfundoi përmes dritares së veturës së tij

Një lojtar kriketi është bërë edhe më i famshëm pasi bërë “goditjen e madhe” dhe goditi xhamin e veturës së tij.

Sipas mediave të huaja, përcjell Telegrafi, Asif Ali, 38 vjeç, po luante për Illingworth St Mary’s Cricket Club të dielën në një çerekfinale të kupës Halifax.

Ali tha që familja e tij kishte parë një transmetim të drejtpërdrejtë të lojës, duke i dërguar mesazhe dhe duke e thirrur pas goditjes.

Ndërsa kryetari i klubit ka thënë se ai ka rënë dakord të paguajë për riparimin e xhamit të veturës së tij.

Por kjo nuk ishte oferta e vetme për të, pasi që njëri nga sponsorët e fanellave – Fix Auto Bradford South – kanë thënë se do të mund ta ndihmojnë atë.

Ndërkohë pamjet e publikuara tregojnë se si kriketisti u gjunjëzua dhe vuri duart në fytyrë pasi ai e kishte kuptuar se çfarë kishte ndodhur, pasi të qeshurat dhe britmat mund të dëgjoheshin nga turma.

Ai shtoi se një nga thirrjet më të mira nga turma pasi ndodhi ishte: “Asif, të lutem a mund të kemi çelësat e tu në mënyrë që të hapim makinën tënde dhe të marrim topin përsëri?”. /Telegrafi/