Liverpooli po shton përpjekjet për të siguruar nënshkrimin e qendërmbrojtësit të Crystal Palace dhe Anglisë, Marc Guehi, përpara se të mbyllet afati kalimtar i verës, me disa media që konfirmojnë marrëveshjen mes klubit dhe lojtarit.
Guehi, i cili është kapiten i Crystal Palace, ka vetëm një vit të mbetur në kontratën e tij dhe largimi shihet si opsion.
Kjo pasi vetë klubi i Crystal Palace kohët e fundit ka lënë të kuptohet se mund ta shesë 25-vjeçarin këtë verë për të shmangur humbjen e tij si transferim i lirë vitin e ardhshëm.
Sipas BBC-së, Crystal Palace thuhet se dëshiron rreth 40 milionë euro, ndërsa Liverpooli synon të negociojë një çmim më të ulët.
Sipas Fabrizio Romanos, Liverpooli tashmë ka arritur marrëveshje për kushtet personale me mbrojtësin.
Marrëveshja pritet të mbyllet në ditën në vijim, me Reds që duan të mbyllin boshllëkun në mbrojtje, pasi Ibrahima Konate me shumë mundësi do të largohet pas një viti. /Telegrafi/
