Ndërpritet seanca e jashtëzakonshme për politikë të jashtme (Video)

E plotësuar: Seanca e jashtëzakonshme e Kuvendit të Kosovës, në të cilin ishte paraparë të diskutohet për politikën e jashtme ka dështuar për shkak të mungesës së kuorumit dhe mos pranisë së ministrit të Jashtëm, Behgjet Pacolli.

Deputetët e Kuvendit të Kosovës me 58 vota për, 5 kundër dhe asnjë abstenim votuan që caktimi  i seancës së jashtëzakonshme të vihet në rend dite të Kryesisë së Kuvendit në mbledhjen e radhës.

Shtyrja e kësaj seance të jashtëzakonshme u bë pasi nuk ishte i pranishëm ministri i Jashtëm, Behgjet Pacolli.

Ai një ditë më parë kishte bërë të ditur se nuk do të jetë i pranishëm në seancë, pasi do të udhëtojë për në Dubai ku pas disa ditësh pritet të votohet rreth anëtarësimit të Kosovës në Interpol.

E plotësuar: Ka filluar të mbahet seanca e jashtëzakonshme e Kuvendit të Kosovës sipas kërkesës së 42 deputetëve lidhur me dështimet dhe skandalet në politikën e jashtme të Republikës së Kosovës.

Por në seancën e jashtëzakonshme ku pritet të diskutohet për politikën e jashtme, nuk është i pranishëm ministri i Jashtëm, Behgjet Pacolli.

Ai ka bërë të ditur një ditë më parë se nuk do të jetë i pranishëm në seancë, pasi do të udhëtojë për në Dubai ku pas disa ditësh pritet të votohet rreth anëtarësimit të Kosovës në Interpol.

Ndryshe, deputetët e pranishëm në Kuvend po kërkojnë shtyrjen e seancës për shkak të mungesës së Pacollit.