Në ditën e fundit të sezonit 2018/2019, Manchester City e ka siguruar titullin e gjashtë në histori të klubit në elitën e futbollit anglez. Pikërisht në xhiron e 38-të mori fund konkurrimi me Liverpoolin dhe të zgjedhurit e Pep Guardiolas fituan me një pikë më shumë.

Tottenham Hotspur u bashkua me Cityn, Liverpoolin dhe Chelsean në Ligën e Kampionëve për sezonin 2019/2020, ndërsa Arsenali mbeti jashtë top-katërshes dhe kualifikimin do ta kërkojë përmes Ligës së Evropës.

Manchester Unitedi e ka mbyllur sezonin në vend të gjashtë dhe do të luajë në kualifikimet e Ligës së Evropës.

Huddersfield Town, Fulham dhe Cardiff City nuk do të jenë pjesë e Ligës Premier në sezonin e ardhshëm, por do të luajnë në Championship.


Telegrafi ju ka mbajtur të informuar në kohë reale për çdo detaj lidhur me ditën vendimtare në kampionatin anglez.


Lajme Live

1 vit

Tabela përfundimtare e sezonit 2018/2019 në Ligën Premier

(Foto: Flashscore.com)

1 vit

Liverpooli fiton, por dështon përsëri ta fitojë titullin e Ligës Premier

Liverpool ka dështuar edhe një herë që ta fitojë titullin e Ligës Premier, edhe pse arriti t’i grumbullonte 97 pikë në këtë sezon.

LAJMI I PLOTË >>

1 vit

Tottenhami luan në Ligën e Kampionëve

Arsenali ka dështuar të përfshihet në top katërshe këtë edicion në Ligën Premier. Kualifikimin në Ligën e Kampionëve duhet ta kërkojë përmes Ligës së Evropës.

LEXONI MË SHUMË >>

1 vit

Përfundon drama, Manchester City është kampion i Ligës Premier

Manchester City e ka fituar garën kundër Liverpoolit për t’u shpallur kampion i Ligës Premier për sezonin 2018/2019, njëherësh duke e mbrojtur titullin e kampionit të Anglisë.

LAJMI I PLOTË >>

1 vit

Liverpooli e shënon golin e dytë

Sadio Mane e ka shënuar edhe golin e dytë kundër Wolverhamptonit (82′), mirëpo nuk do t’i shërbejë për titull, duke qenë se Manchester City është duke fituar me rezultat bindës.

1 vit

Evertoni e përmbys rezultatin, por Tottenhami barazon shpejt

Evertoni e ka shënuar edhe golin e dytë ndaj Tottenhamit. Realizues ishte Cenk Tosun (72′).

Mirëpo, i shpejtë ishte reagimi i Christian Eriksen për ta barazuar rezultatin (75′).

1 vit

City do të jetë kampion i ri, shënon golin e katërt

Tashmë thuajse gjithçka ka marrë fund dhe Manchester City do të jetë kampion i Ligës Premier edhe për sezonin 2018/2019.

Ilkay Gundogan shënoi një gol fantastik nga gjuajtja e lirë dhe tashmë ka nisur festa e ‘Citizens’.

1 vit

Evertoni e barazon rezultatin ndaj Tottenhamit

Theo Walcott e ka barazuar rezultatin në ndeshjen kundër Tottenhamit (70′).

1 vit

Arsenali e ka shënuar edhe golin e dytë

Pierre-Emerick Aubameyang me golin e dytë personal (64′) e ka dyfishuar epërsinë kundër Burnleyt.

Menjëherë pas, Burnley e ka ngushtuar rezultatin me golin Ashley Barnes (67′).

1 vit

Brighton 1-3 Man City

Manchester City është shumë pranë që ta mbrojë titullin e Ligës Premier, pasi e ka shënuar edhe golin e tretë kundër Brightonin. Riyad Mahrez ishte golashënues (64′).

1 vit

Arsenali në epërsi

Pierre-Emerick Aubameyang e ka kaluar arsenalin në epërsi (53′) në ndeshjen kundër Burnleyt.

1 vit

Manchester United 0-2 Cardiff City

Cardiffi ia ka shënuar edhe golin e dytë Manchester Unitedit. Golashënuesi është i njëjtë, Nathaniel Mendez-Laing (54′).

1 vit

Fillojnë 45 minutat e fundit

Manchester City do ta mbrojë titullin, apo Liverpooli do të shpallet kampion pas 29 vitesh?

1 vit

Tabela e Ligës Premier pas pjesës së parë

(Foto: Flashscore.com)

1 vit

Festa dhe gëzimi i tifozëve të Liverpoolit pas golit të Brightonit ndaj Man Cityt

Tifozët e Liverpoolit kanë kaluar në dëlir pas golit të Brightonit ndaj Manchester Cityt.

LAJMI I PLOTË >>

1 vit

Përfundon pjesa e parë

Me rezultatet aktuale, Manchester City e mbron titullin e Ligës Premier

1 vit

City e përmbys rezultatin

Manchester City është në epërsi kundër Brightonit, pasi e ka përmbysur rezultatin në 2-1.

Riyad Mahrez harkoi nga këndi dhe Aymeric Laporte shënoi me kokë (38′).

Me këtë rezultat, skuadra e Pep Guardiolas është kampion i Anglisë.

1 vit

Lojtarët e Liverpoolit dhe Cityt që do të mbesin pa medaljen e Ligës Premier, aty edhe Muriqi

Një lojtar duhet së paku t’i bëjë dhjetë paraqitje për skuadrën në Ligën Premier, për ta fituar medaljen e shpalljes kampion.

LAJMI I PLOTË >>

1 vit

Ndëshkohet City, por shpejt e barazon rezultatin

Brightoni e i ka shënuar Manchester Cityt duke e zhbllokuar rezultatin me golin e Glenn Murray (27′).

Por, i menjëhershëm ishte reagimi i Sergio Agueros për ta barazuar rezultatin (28′).

1 vit

Cardiffi i ka shënuar Unitedit

Nathaniel Mendez-Laing e ka zhbllokuar rezultatin në Old Trafford (24′) kundër Manchester Unitedit.

1 vit

Liverpooli e zhbllokon rezultatin

Liverpooli ka shënuar kundër Wolverhampton Wanderers dhe aktualisht është në krye të tabelës.

Trent Alexander-Arnold e gjeti për mrekulli Sadio Manen brenda zonës dhe ai realizoi (18′).

1 vit

Shënon Tottenhami, minimizohen gjasat e Arsenalit

Tottenham Hotspur ka shënuar gol në ndeshjen kundër Evertonit dhe thuajse e ka siguruar pjesëmarrjen në Ligën e Kampionëve.

Eric Dier ka realizuar që në minutën e tretë.

1 vit

Liverpooli do të përfitojë më shumë se Manchester City pavarësisht kush e fiton titullin

Përfitimet e Liverpoolit do të jenë më të mëdha se ato të Manchester Cityt këtë sezon, pa marrë parasysh se cila skuadër do të shpallet kampion i Ligës Premier.

LAJMI I PLOTË >>

1 vit

Liverpooli i bindur se do ta fitojë titullin, është përgatitur për festën në Anfield

The Reds janë të bindur në ndalesën e Cityt dhe në titullin e kampionit.

LAJMI I PLOTË >>

1 vit

Kanë filluar ndeshjet

Në ora 16:00 kanë filluar të gjitha ndeshjet e javës së fundit në Ligën Premier.

1 vit

Pasuesit më të mirë

1 vit

Golat e Agueros

Sergio Aguero i ka shënuar 31 gola në të gjitha garat me Manchester Cityn këtë sezon. Vetëm në edicionet 2014/2015 (32) dhe 2016/2017 (33) ka shënuar më shumë gola se sivjet.

(Foto: Getty Images/Guliver)

1 vit

Deklarata interesante e Guardiolas

Trajneri i Manchester Cityt, Pep Guardiola, ka thënë se ka fjetur si një foshnjë para ndeshjes vendimtare për titullin e Ligës Premier.

(Foto: Rex Features)

1 vit

Asistuesit më të mirë

1 vit

Lojtarët kanë dalë për nxehjen e fundit para ndeshjes së fundit sezonale në Ligën Premier.

1 vit

Brightoni e ka humbur vetëm një nga pesë ndeshjet e fundit në shtëpi ndaj Man Cityt në të gjitha garat (1 fitore, 3 barazime, 1 humbje).

1 vit

Atmosferë fantastike përreth Anfieldit

(Foto: Laurence Griffiths/Getty Images/Guliver)

(Foto: Laurence Griffiths/Getty Images/Guliver)

(Foto: Laurence Griffiths/Getty Images/Guliver)

1 vit

Njëmbëdhjetëshat startues: Burnley – Arsenal

Burnley: Heaton; Lowton, Tarkowski, Mee, Taylor; Hendrick, Westwood, Cork, McNeil; Barnes, Wood.

Arsenal: Leno; Lichtsteiner, Mustafi, Mavropanos, Monreal; Guendouzi, Mohamed Elneny, Iwobi; Willock; Mkhitaryan, Aubameyang.

1 vit

Formacionet bazë: Leicester City – Chelsea

Leicester City: Schmeichel; Chilwell, Maguire, Evans, Ricardo Pereira; Choudhury, Maddison, Albrighton, Ndidi, Tielemans; Vardy.

Chelsea: Caballero; Azpilicueta, Zappacosta, David Luiz, Alonso; Jorginho, Barkley, Loftus-Cheek; Pedro, Higuain, Willian.

1 vit

Formacionet startuese: Manchester United – Cardiff City

Man Utd: De Gea; Young, Jones, Smalling, Dalot; Andreas Pereira, McTominay, Pogba; Greenwood, Rashford, Lingard.

Cardiff City: Etheridge; Peltier, Morrison, Ecuele Manga, Bennett; Mendez-Laing, Gunnarsson, Bacuna, Murphy; De Cordova-Reid; Zohore.

1 vit

Formacionet zyrtare: Brighton – Manchester City

Brighton: Ryan; Bruno, Duffy, Dunk, Bernardo; Kayal, Bissouma; Knockaert, Gross, Jahanbakhsh; Murray.

Manchester City: Ederson, Walker, Kompany (C), Laporte, Zinchenko, Gundogan, Silva, Mahrez, Sterling, Bernardo, Aguero.

1 vit

Formacionet zyrtare: Liverpool – Wolverhampton Wanderers

Liverpool: Alisson; Alexander-Arnold, Matip, Van Dijk, Robertson; Fabinho, Wijnaldum, Henderson; Salah, Mane, Origi.

Wolverhampton: Patricio; Bennet, Coady, Boly; Doherty, Dendoncker, Moutinho, Neves, Otto; Raul, Diogo.

1 vit

Tifozët e Liverpoolit e përfshijnë Shaqirin në listën e ‘transferimeve të sezonit’

Portieri Alisson Becker është shpallur transferimi më i mirë i këtij sezoni nga tifozët e Liverpoolit, mirëpo në listë është i pranishëm edhe mesfushori shqiptar, Xherdan Shaqiri. Fabinho e Naby Keita janë dy emrat tjerë në këtë listë.

(Foto: Catherine Ivill/Getty Images/Guliver)

1 vit

Skena është gati për ndeshjen vendimtare të Cityt

Stadiumi i Brightonit është përgatitur për ditët që mund të jetë festive për Manchester Cityn.

1 vit

Më së shumti ndeshje pa pranuar gol

1 vit

Tifozët e Liverpoolit nderojnë viktimat e tragjedisë së Hillsborough

Siç ndodh rëndom, tifozët e Liverpoolit kanë bërë një nderim me një minutë heshtje për viktimat e tragjedisë së Hillsborough (1989).

(Foto: BBC Sport)

1 vit

Klopp: Të fokusohemi te ndeshja jonë

Trajneri i Liverpoolit, Jurgen Klopp, ka thënë se lojtarët e tij duhet të përqendrohen në ndeshjen e tyre, kundër Wolverhamptonit dhe të mos mendojnë për takimin e Manchester Cityt.

“Puna jonë për ne sot është që të jemi të përqendruar në këtë ndeshje. Ky është takimi i vetëm ku mund të kemi ndikim. Këtu janë pikët e vetme që mund t’i fitojmë”, ka thënë ai.

Jurgen Klopp dhe Pep Guardiola (Foto: Clive Brunskill/Getty Images/Guliver)

1 vit

Titujt në histori të Liverpoolit

Liverpooli e ka fituar 18 herë deri më tani titullin e kampionatit elitar anglez që tash njihet me emrin Liga Premier.

Sezonet: 1900/1901, 1905/1906, 1921/1922, 1922/1923, 1946/1947, 1963/1964, 1965/1966, 1972/1973, 1975/1976, 1976/1977, 1978/1979, 1979/1980, 1981/1982, 1982/1983, 1983/1984, 1985/1986, 1987/1988, 1989/1990.

Redsat do të shpresojnë që fati të jetë në anën e tyre dhe ta fitojnë titullin pas kaq shumë vitesh.

1 vit

Titujt në histori të Manchester Cityt

Manchester City e ka fituar pesë herë deri më tani titullin e kampionatit elitar anglez që tash njihet me emrin Liga Premier.

Sezonet: 1936/1937, 1967/1968, 2011/2012, 2013/2014, 2017/2018.

City është në prag që ta fitojë edhe trofeun e gjashtë.

1 vit

Dhjetë golashënuesit më të mirë në Ligën Premier

1 vit

Tabela e Ligës Premier pas 37 javësh

1 vit

Refuzohet apeli i Son Heung-min, mungon ndaj Evertonit

Dyshja e Tottenham Hotspur, Juan Foyth dhe Son Heung-min, e fillojnë pezullimin e tyre për tri ndeshje, pasi Federata Angleze e fubtollit e ka efuzuar apelin e jugkoreanit për ta hequr kartonin e kuq.

1 vit

De Bruyne mund të luajë për Cityn

Kevin de Bruyne mund të luajë në ndeshjen vendimtare të Manchester Cityt kundër Brightonit, pasi e ka tejkaluar një problem me lëndim.

Fernandinho nuk është rikuperuar, ndërsa Benjamin Mendy dhe Claudio Bravo vazhdojnë të mbeten jashtë.

1 vit

Pa ndonjë objektiv real, Solskjaer pritet të luajë me futbollistë të rinj

Ole Gunnar Solskjaer ka vendosur që të inkuadrojë disa lojtarë të ri të Manchester Unitedit në ndeshjen kundër Cardiff Cityt.

Tahith Chong, Angel Gomes e Mason Greenwood mund të startojnë nga minuta e parë.

Kapiteni Antonio Valencia pritet të luajë në ndeshjen e tij lamtumirëse pas një dekade te Djajtë e Kuq.

1 vit

Salah mund të luajë për Liverpoolin

Mohamed Salah mund të luajë në ndeshjen e fundit sezonale në Ligën Premier për Liverpoolin.

BBC raporton se egjiptiani mund ta ketë tejkaluar lëndimin dhe do të jetë në dispozicion të Jurgen Klopp.

Nga ana tjetër, Roberto Firmino mbetet jashtë dhe pritet të jetë në gjendje të luajë në finale të Ligës së Kampionëve.

(Foto: Clive Brunskill/Getty Images/Guliver)

1 vit

Skuadrat e rëna nga liga

Huddersfield Town, Fulham dhe Cardiff City në edicionin e ardhshëm do të luajnë në Championship.

1 vit

Njëri kopje dhe tjetri origjinal, Liga Premier i ka vendosur dy trofe në dy stadiume të ndryshme në pritje të kampionit të ri në Angli

Liga Premier ka vendosur që të jenë dy trofe në dy stadiumet – origjinali është në Brighton, ndërsa kopja e tij në Anfield.

LAJMI I PLOTË >>

1 vit

Çfarë duhet të bëjë Tottenhami dhe çfarë duhet të bëjë Arsenali për t’u kualifikuar në Ligën e Kampionëve

Ka mbetur vetëm edhe një vend i lirë në kampionatin anglez për skuadrat që do të luajnë në Ligën e Kampionëve në sezonin 2019/2020.

Pas Liverpoolit dhe Manchester Cityt, Chelsea e ka siguruar pjesëmarrjen në garën më të madhe evropiane për klube, pas fitores ndaj Watfordit, derisa Arsenali dhe Manchester Unitedi lëshuan pikë.

LAJMI I PLOTË >>

1 vit

Titulli i Ligës Premier: Gjithçka përmblidhet në një ditë, një trofe, një ëndërr dhe dy skuadra

Dita e diel (12 maj 2019) shënon javën e fundit të sezonit 2018/2019 në Ligën Premier, në të cilën do të vendoset titulli i kampionit të Anglisë.

LAJMI I PLOTË>>