Lista që duhet ta kesh: Pesë veshje që ndezin paraqitjen tuaj këtë sezon!

Investimi më i mirë që bën diferencën

Në kohën kur stilistët prezantuan koleksionet e tyre të pranverës 2025, të gjitha ne e dalluam lehtësisht se cilat veshje do të ishin kryefjalë e këtij sezoni. Ndaj, tani është koha për t’u përgatitur për një pranverë-verë plot me stil.

Artikujt e parë të sezonit kanë mbërritur në dyqane, kështu që ne mund të fillojmë të investojmë në veshje dhe aksesorë, të cilat e meritojnë një vend në gardërobën tonë.

Këmisha blu

Këtë sezon në pasarelat e shumë shtëpive të mëdha të modës pamë këmishën klasike të Oksfordit të rikthehej në një gamë tonesh blu, nga më e lehta në më intensive. Visheni me xhinse në zyrë dhe më vonë zëvendësoni xhinset me një pantallona të lehta prej liri.

Këpucët e sheshta

Këpucët e sheshta perfekte ekzistojnë dhe janë të rehatshme, praktike dhe me stil. Ato qëndrojnë në krye të listës së dëshirave të vajzave në çdo qytet të madh të modës këtë sezon. Provojini me xhinse ose një fustan mini.

Fustanet saten

Çelësi për çdo gardërobë të kuruar është të shtoni veshje që përshtaten mirë me çdo sezon. Fustanet saten janë të rehatshme, ndërsa janë gjithashtu mjaft të lehta për t’u veshur nën një xhaketë nëse temperaturat bien.

Xhaketa

Moti i pranverës është thuajse i paparashikueshëm, ndaj të gjithave na duhet një xhaketë që mund të vishet mbi çdo gjë, por veshja të duket po njësoj e bukur.

Bluzat polo

Një bluzë që nuk del kurrë nga moda. Bluzat polo janë një domosdoshmëri edhe këtë sezon. Kjo veshje klasike do të nxjerrë në pah xhinset tuaja kur kombinohet me aksesorë shik. Truku është të zgjidhni një siluetë klasike të bërë nga një pëlhurë me cilësi të lartë.