Leonardo DiCaprio takon Gigi Hadidin me prindërit e tij mes thashethemeve për rindezje të romancës

Gigi Hadid dhe Leonardo DiCaprio shijuan një tjetër mbrëmje me babanë dhe njerkën e tij të mërkurën (7 qershor).

Supermodelja, 28 vjeç, dhe aktori fitues i çmimit “Oscar”, 48 vjeç, u panë të dy duke mbërritur në Chiltern Firehouse në Londër.

Kjo shënon natën e tyre të dytë radhazi në kryeqytet, pasi të martën shkuan për darkë me prindërit e Leos në China Tang, shkruan DailyMail.

Raportohet se romanca e çiftit mbaroi në shkurt, por pavarësisht përfundimit të dukshëm të lidhjes së tyre të shkurtër, të dy u panë së bashku disa herë në maj dhe dyshohet se kanë qenë sërish bashkë kohët e fundit.

Leo u pa duke mbërritur në hotel në mënyrë të fshehtë, duke ndjekur babain e tij George dhe njerkën Peggy Farrar.

Ylli i “Titanic” u pa i veshur me një palë xhinse të errët dhe një xhaketë të zezë të thjeshtë, me atlete të bardha.

Lexo po ashtu Të gjitha lajmet nga Gigi Hadid

Duke vazhduar me veshjen e tij të zakonshme, ai mbante një kapele të zezë bejsbolli dhe një maskë të zezë.

Ndërkohë, Gigi u pa teksa rikthehej në të njëjtin hotel disa sekonda larg Leos dhe prindërve të tij.

Modelja dukej me stil e veshur me një palë xhinse të grisura dhe një triko bruz, ajo veshi edhe një pallto të gjatë të zezë dhe mbajti një çantë të vogël gjithashtu të zezë.

Gigi e kompletoi ‘look’-un e saj me një palë këpucë të zeza prej lëkure, disa gjerdan me zinxhir ari dhe syze dielli. /Telegrafi/