Lëndimi i tmerrshëm i Neymarit për Brazilin do t’i kushtojë FIFA-s miliona euro

Dëmtimi i rëndë i Neymarit thuhet se mund t’i kushtojë FIFA-s miliona euro kompensim për klubin Al Hilal.

Braziliani këputi ligamentin e përparmë të kryqëzuar dhe meniskun në gjurin e majtë teksa luante për Brazilin kundër Uruguait të martën.

Ai u rrëzua në mënyrë të sikletshme dhe u largua me lot në sy nga ndeshja kualifikuese për Kupën e Botës 2026.

Neymar tani do t’i nënshtrohet një operacioni dhe do të përballet me një periudhë të gjatë jashtë fushës, me një kohë tipike rikuperimi nga tetë deri në 10 muaj.

Lexo po ashtu Neymar lëshon fushën me lot në sy pas lëndimit të rëndë, thuhet se ka përfunduar sezonin

Prandaj, ai nuk do të jetë i disponueshëm për klubin e tij të ri, skuadrën e Superligës së Arabisë Saudite, Al Hilal, i cili shpenzoi 90 milionë euro për ta nënshkruar atë nga Paris Saint-Germain në verë.

Neymar nënshkroi një marrëveshje dyvjeçare dhe thuhet se fiton 150 milionë euro në vit.

Skuadra e Jorge Jesus duket se do të ndikohet financiarisht pas goditjes së lëndimit, por sipas The Sun, ata kanë të drejtën e një pagese nga organi qeverisës i futbollit botëror.

Si pjesë e Programit për Mbrojtjen e Klubeve të rënë dakord me klubet, FIFA duhet të paguajë pagën e një lojtari nëse ai pëson një dëmtim duke luajtur për vendin e tyre dhe periudha jashtë fushës është më e gjatë se 28 ditë.

Maksimumi që ata mund të paguajnë është 7.5 milionë euro – një shifër e përcaktuar nga kompensimi ditor “pro rata” deri në 20,548 euro – i pagueshëm për jo më shumë se 365 ditë.

Është e qartë se megjithatë, shuma nuk do të jetë aspak e njëjtë me atë që Neymar fiton nga klubi i tij.

Lexo po ashtu “Është një moment shumë i trishtuar, më i keqi në karrierë”, Neymar reagon pas lëndimit të rëndë

Ai merr në shtëpi rreth 13 milionë euro në muaj dhe nëse nuk përfundon më duke luajtur për Al Hilalin, ai do t’i ketë kushtuar klubit rreth 95 milionë euro.

Ish-lojtari i Barcelonës ka pësuar lëndime të shpeshta kohët e fundit dhe ishte jashtë për një kohë për shkak të një problemi të keq në kyçin e këmbës.

Ai humbi katër ndeshjet e para të sezonit të Al Hilal për shkak të një dëmtimi të muskujve dhe më pas shënoi një gol në pesë paraqitje. /Telegrafi/