Legjendat e Realit fitojnë thellë ndaj atyre të Liverpoolit, Seedorf me një volle filloi festivalin e golave te Los Blancos

Para finales mes Real Madridit dhe Liverpoolit në Kiev, Liga e Kampionëve kishte organizuar disa ngjarje tjera sportive në qytetin ukrainas.

Një nga ato ishte një ndeshje në futboll të vogël mes legjendave të Real Madridit dhe Liverpoolit.

Ishte një takim më shumë gola, që në fund e fituan Los Blancos me rezultat 9-3, por rezultati nuk kishte aspak rëndësi.

Real Madrid Legend kalahkan Liverpool Legend di Mini Tournament UCL di Kiev dengan Skor 9-3 #HalaMadrid https://t.co/W3G0wZX8t3

— ️️ ️️ (@realmadridindo1) May 26, 2018

Shumë tifozë ishin mbledhur për të parë disa nga lojtarët më të mirë të futbollit në vitet e fundit dhe Clarence Seedordf u përkujdes që ata të mos dëshpërohen për mungesë të golave të bukur.

Aktualisht holandezi është trajner i Deportivo La Corunas, por me siguri tifozët do donin që ai të ishte edhe në rolin e lojtarit.

Lexo po ashtu Se Liverpooli është gati, e tregon edhe goli i Milnerit në stërvitjen e fundit para finales

Për skuadrën fituese pjesë marrës ishin lojtarë si Jerzy Dudek, Michael Salgado, Alvaro Arbeloa, Roberto Carlos, Makelele, Seedorf e Esteban Cambiasso.

Vlen të theksohet se kjo ndeshje ishte thjesht një miqësore e cila promovon anën e bukur të futbollit dhe nuk kishte karakter garues. /Telegrafi/