Legjenda e Liverpoolit, Heskey: Klopp mund të bashkohet kurdo me Real Madridin ose Barcelonën

Ish-sulmuesi i Liverpoolit, Emile Heskey ka thënë se trajneri Jurgen Klopp gjithmonë ka mundësinë që t’i bashkohet me Real Madridin ose Barcelonën.

Klopp kohëve të fundit nënshkroi një kontratë të re për ta mbajtur atë në Anfield deri në vitin 2024.

Dhe Heskey shton se trajneri gjerman nuk ka gjasa të largohet nga klubi më parë, por sipas tij ka mundësi kurdo të bashkohet me klube të mëdha.

Lexo po ashtu Maradona: Liverpooli dhe Kloppi, tani janë të preferuarit e mi

“Gjithmonë ekziston një mundësi që Klopp të largohet për t’u bashkuar me një klub si Real Madrid ose Barcelona”, ka thënë fillimisht Heskey për GentingBet.

“Por, unë nuk mendoj se Klopp ka përfunduar me projektin që ai ka filluar në Liverpool”.

“Ata po kalojnë në një strukturë të re stërvitore, me të vërtetë po arrijnë atje ku mendojnë se mund të jenë kur bëhet fjalë të njihen si markë ndërkombëtare si një klub futbolli”.

“Klopp i ka futur ata vërtet në hartë. Mendoj se Klopp ende ndjehet sikur ka shumë për të bërë. Kështu që, nuk mendoj se tifozët do të shqetësohen shumë për largimin e Klopp”, përfundoi anglezi. /Telegrafi/