“Le ta djegim trupin e Amber Heard”, mesazhet kërcënuese të Johnny Depp ndaj ish-gruas janë lexuar në Gjykatën e Londrës

Ndërsa çështja e akuzave të aktorit vazhdon të trajtohet në Londër, Gjykata e Lartë dëgjoi detaje të mesazheve që dyshohet se janë dërguar në lidhje me ish-të dashurën e Johnny Depp, Amber Heard.

Tekstet që dyshohet se janë shkruar nga aktori Johnny Depp përmbajnë kërcënime me vdekje ndaj gruas së tij të atëhershme Amber Heard – tekste për të cilat Gjykata e Lartë në Londër ka dëgjuar, shkruan The Guardian.

Në nëntor të vitit 2013, Depp dyshohet se i dërgoi një mesazh mikut të tij, aktorit Paul Bettany duke i shkruar: “Le ta djegim Amber”. Në të njëjtën ditë, ai gjoja i shkruan sërish atij duke i thënë: “Le ta mbytim atë para se ta djegim atë!!! Unë do ta bëj kufomën e saj të djegur, për t’u siguruar më pas që ajo ka vdekur me të vërtetë”.

Tekstet u lexuan gjatë aksionit për shpifje të Depp kundër gazetës britanike The Sun, pasi ajo publikoi një artikull në vitin 2018 në të cilin pretendonte se Depp sulmoi Heard. Ekipi i mëparshëm juridik i Depp ndau aksidentalisht një arkiv prej 70,000 mesazhesh me avokatët e The Sun.

Mesazhet janë paraqitur si pjesë e çështjes së The Sun që Depp ishte abuziv ndaj Heard, gjë të cilën Johnny Depp e mohon. Ata përqendrohen në pretendimin e Amber Heard se Depp abuzoi me të në një fluturim me aeroplan privat në maj të vitit 2014. Pohimi i avokatit të Depp është se ata tregojnë të kundërtën.

Depp po heton gjithashtu Amber Heard për shpifje në Sh.B.A. mbi një artikull që ajo shkroi në Washington Post. /Telegrafi/