Kylie Jenner ishte një nga yjet që u shfaq në Met Gala të këtij viti, dhe në Instagram ajo tregoi se cilën metodë, në dukje mjaft të dhimbshme, zgjodhi për ta mbajtur pamjen e saj perfekte.
Konkretisht, në videon që ajo ndau në story-n e saj në Instagram, shihet se ylli i reality show-t i ka ngjitur këmbët në këpucët që mbante veshur.
Konkretisht, pamjet tregojnë momentet pas Met Gala kur Kylie, së bashku me të tjerë që po e ndihmonin, u përpoqën t’i hiqnin lëkurën nga këmbët nga takat e larta.
"Max më tha t'i ngjisja këmbët me shirit ngjitës në këpucë", tha Jenner, duke iu referuar drejtorit kreativ të Ferragamo-s, Maximilian Davis, "Dhe tani këmbët e mia janë të bllokuara në këpucë".
Me disa rënkime dhimbjeje, ndihmëset e saj përdorën shishe spraj të mbushura me një lëng të kthjellët për të provuar ta lironin kapjen.
"Janë mirë", shkroi Jenner përkrah një fotoje të këmbëve të saj "të çliruara" pas procesit të gjatë.
Jenner eci në tapet e veshur me një fustan gri Ferragamo me një korse të zi transparent dhe pantallona të gjera në të njëjtën ngjyrë.
Ajo e zbukuroi fustanin me vathë Lorraine Schwartz dhe doreza të gjata transparente, së bashku me një grim spektakolar dhe një topuz të mbledhur mbrapa. Ajo shtoi gjithashtu një rrip të zi të shndritshëm me një broshë të zbukuruar me diamante. /Telegrafi/
