Ky është automjeti më i shpejtë i policisë në shërbim aktiv në SHBA

Nuk është sekret që amerikanët i duan veturat e mëdha dhe forcat e rendit atje nuk dallojnë nga kjo.

Nuk është një zgjedhje e çuditshme, veçanërisht duke marrë parasysh Ford F-150 të rinovuar së fundmi në versionin Police Responder. Besoni apo jo, kjo veturë është, sipas testeve të agjencisë shtetërore, automjeti më i shpejtë i policisë i forcave amerikane të rendit.

Versioni i ri ka një shpejtësi maksimale të rritur.

Gjegjësisht, ky model dikur ishte në gjendje të arrinte 160 km / orë, dhe tani mund të shkojë deri në 197 km / orë.

Dhe sipas testeve të kryera nga policia e Los Angeles dhe Miçigan, përshpejtimi është përmirësuar në mënyrë drastike, kështu që Ford kap 100 km / orë në 5.4 sekonda, ndërsa do të arrijë 160 km / orë në 13.1 sekonda, që është rezultati më i mirë në konkurs të të gjitha automjeteve të policisë.

Automjeti u testua gjithashtu në një ‘vrapim’ me çerek milje që përfundoi një sekondë më shpejt se paraardhësi i tij, për 14.4. sekonda.

Nën kapak është një motor 3.5 V6 twinturbo me 400 kuaj fuqi dhe 678 Nm, me 10 shpejtësi dhe me fuqi në të gjitha rrotat.

Të gjitha automjetet e policisë marrin gjithashtu një paketë jashtë rrugës FX4.

Nëse kthehemi në Evropë, forca policore është edhe më e shpejtë. Vende si Gjermania dhe veçanërisht Italia janë në krye këtu, ku veturat si Lamborghini rregullisht janë ato që i kanë policia. /Telegrafi/