Kuvendi i Maqedonisë shqyrtoi disa pika nga seanca e 64-të, votimi për to do të caktohet shtesë

Kuvendi sot pasdite ka shqyrtuar disa pika në kuadër të seancës së 64-të, por votimi për propozim-ligjin për ndryshimin e Ligjit për kryerjen e punëve për përfaqësim në procedurat doganore me procedurë të shkurtuar, propozim-ligjin për ndryshimin dhe plotësimin e Ligjit për Policinë në leximin e dytë, propozim-ligjin e plotësuar për ndryshimin dhe plotësimin e Ligjit për punë të brendshme në leximin e dytë dhe kërkesën për dhënien e interpretimit autentik të nenit 15 paragrafi (2), në lidhje me paragrafin (4) të Ligjit për parandalimin dhe mbrojtjen nga diskriminimi i parashtruar nga deputetja Maja Moraçanin, do të caktohet shtesë, për shkak të mungesës së numrit të mjaftueshëm të deputetëve në sallë.

Për pikat tjera nuk është krijuar rregullore që të shqyrtohen sot dhe për këtë seanca është ndërprerë, ndërsa deputetët do të njoftohen shtesë për vazhdimin e saj.

Në shpjegimin e propozim-ligjit të ndryshuar për ndryshimin dhe plotësimin e Ligjit për punë të brendshme në lexim të dytë, deputetja Daniella Nikolova nga LSDM tha se dispozitat konkrete të Ligjit për punë të brendshme janë rishikuar dhe janë paraparë ndryshime të rëndësishme që i referohen disa momenteve esenciale.

Në shpjegimin e pjesës që i referohet vendosjes së një testi për integritetin e personave të punësuar në MPB, ajo theksoi se ky test është një kontroll i veprimit të punonjësit në MPB në një situatë të simuluar që është identike me detyrat dhe veprimtaritë e tij pa detyrim paraprakisht të njoftohet për njësinë organizative në të cilën punon punonjësi.

Bllagica Lasovska nga OBRM-PDUKM tha se kjo është një zgjidhje ligjore që dëshiron me të cilën dëshiron të partizohet MPB-ja. Me këtë zgjidhje ligjore, theksoi ajo, në MPB mund të ketë tre shkallë gradime pa kushtet e nevojshme, nuk do të ketë shpallje publike.

“Sipas ligjit, ne kemi përcaktuar që të ketë një shërbim të posaçëm që mund të punojë në interes të mbrojtjes efektive dhe parandalimit të diskriminimit. Punësimi për këta persona i nënshtrohet zbatimit të ligjit për nëpunësit administrativë. Sipas atij ligji, çdo kërkesë për punësim duhet të miratohet paraprakisht nga Ministria e Financave, pastaj të shkohet në Ministrinë e Shoqërisë Informatike. Kjo ngre dilemën nëse me zbatimin e këtyre dispozitave ligjore arrihet vërtet pavarësia e plotë financiare e Komisionit”, tha Moraçanin.