Kusari-Lila: Kemi proceduar kërkesën me 40 nënshkrime për themelimin e Komisionit Hetimor për energjinë

Grupi Parlamentar i Lëvizjes Vetëvendosje ka proceduar sot në Kuvend 40 nënshkrime për formimin e Komisionit Hetimor parlamentar për sektorin e energjisë.

Lajmin e ka bërë të ditur shefja e deputetëve të LVV-së, Mimoza Kusari-Lila në një konferencë për media tha se përmes këtij Komisioni do të hetohen të gjitha keqpërdorimet për këtë sektor që nga shpallja e pavarësisë, shkruan Telegrafi.

Kusari-Lila po ashtu ka deklaruar se nuk ka asgjë për të fshehur dhe se në kërkesën e tyre janë të përfshira edhe të gjitha kërkesat e bëra nga partitë opozitare.

Lexo po ashtu PDK kërkon nga pozita të mos e bllokojë formimin e Komisionit Hetimor për energjinë

“Kemi vendosur që të procedojmë kërkesën për themelimin e Komisionit Hetimor Parlamentar për energjinë. Kemi ofruar 40 nënshkrime të deputetëve të VV-së. Kemi parashtruar edhe kërkesat tona, por bashkë me to janë edhe të gjitha kërkesat e bëra nga opozita. Rrethanat e trashëguara në sektorin e energjisë, si keqmenaxhimi i parasë publike, largimi i investitorëve etj, kanë vështirësuar gjendjen në këtë sektor”, u shpreh ajo.

Ndërsa, deputeti i kësaj partie, Adnan Rrustemi, tha se nuk e kanë përkrahur kërkesën e opozitës për formimin e këtij komisioni pasi “ka qenë e palogjikshme”.

“PDK, LDK e AAK paraqiten një kërkesë ta palogjikshme. Për disa muaj me radhë opozita gjenden në një panik tash e disa muaj. Në bazë të kërkesës sonë gjithsesi do t’i takojë kryesimi opozitës. Ne vazhdimisht kemi qenë në mbështetje të themelimit të komisionit hetimor parlamentar. Opozita është vetë kurthuar. Kështu është nga 2010 edhe në bazë të ligjit”, tha Rrustemi./Telegrafi/