Dikur, jo edhe shumë kohë më parë – në një kohë pa telefona të mençur, pa rrjete sociale dhe pa teknologjinë që sot na ndjek hap pas hapi – kur na ndodhte diçka e sikletshme apo turpëruese, reagimi i parë ishte gjithmonë “vetëm të mos më ketë parë njeri!”.
Mund të ishe penguar në rrugë, të kishe derdhur kafenë mbi vete apo të kishe bërë ndonjë gafë në publik – por nëse askush nuk të pa, ndiheshe sikur nuk kishte ndodhur fare.
Sot, në epokën digjitale ku çdo moment mund të përfundojë në TikTok, Instagram apo YouTube përpara se ta kuptosh vetë çfarë ndodhi, mendimi i parë është “betëm të mos përfundoj në internet!”. Sepse një moment i vetëm i turpit mund të shndërrohet në një video virale me miliona shikime.
Fatkeqësisht për disa, kjo është pikërisht ajo që ndodhi.
Këta njerëz, për të cilët do të flasim (dhe qeshim pak me dashamirësi), nuk patën aq fat. Momentet e tyre të sikletshme, të çuditshme apo thjesht qesharake janë kapur nga kamera dhe janë bërë hit në internet. Dhe duhet ta pranojmë – disa nga pamjet janë thjesht të pabesueshme dhe jashtëzakonisht qesharake!
Prej përplasjeve komike, veshjeve të gabuara në momentin më të papërshtatshëm, deri te reagime spontane që as vetë Hollivudi nuk do t’i kishte skenuar më mirë – ky koleksion situatash është një kujtesë e fuqishme se ndonjëherë, e vetmja gjë që mund të bësh është të qeshësh... edhe kur bëhesh hit pa dashje. /Telegrafi/
