Për një moment derbi i Londrës Veriore mes Arsenalit dhe Tottenhamit u zhvendos në Seul të Koresë së Jugut.
Të premten Koreja e Jugut priti për një miqësore Uruguain, e që në fund e fitoi me rezultat 2-1.
Por, kjo ndeshje nuk duket se ishte vetëm një miqësore për Lucas Torreiran.
Ylli i Arsenalit gjatë një momenti të ndeshjes ndërhyri ashpër në Son Heung-min duke rrezikuar kështu lojtarin e Tottenhamit për një lëndim serioz.
E gjitha kjo u komentua në rrjetet sociale nga tifozët, ku Torreira u kritikua për lojën e ashpër.
Vlen të theksohet se muaj më parë Son shpëtoi nga shërbimi ushtarak i vendit të tij, kjo pasi arriti t’i fitojë Lojërat Aziatike me përfaqësuesen e tij.
Arsenali dhe Tottenhami do të përballen në Emirates me 2 dhjetor në kuadër të Ligës Premier. /Telegrafi/
https://twitter.com/NelsonFlair/status/1051110829108670464
