Personi i rritur në një minutë mund të prekë rreth 30 gjëra. Në shtëpi në parim bëjmë gati gjithçka që gjërat që i prekim të jenë të pastra dhe të parrezikshme, por në vendet publike higjiena kryesisht nuk varet nga ne.
Bakteret dhe papastërtia gjenden kudo, ndërsa në mënyrë të papritur mund të gjenden në këto vende:
Menytë
A i keni larë ndonjëherë duart pasi që keni prekur menynë në kafene apo restorant? Para disa kohësh në revistën “Journal of Medical Virology” është publikuar hulumtimi sipas të cilit shkaktarët e ftohjes dhe gripit në sipërfaqet e forta mund të mbijetojnë deri 18 orë. Ndoshta pikërisht personi që është ulur para jush në vendin e njëjtë ka qenë i ftohur.
Keni kujdes që menyja të mos e prekë pjatën, gotën ose lugën apo pirunin e thikën, ndërsa pas zgjedhjes do të ishte mirë t’i lani duart.
Copa e limonit
Besoni apo jo, madje 70 për qind e limonit që shërbehet në pjata nëpër restorante dhe kafene është i infektuar me mikrobe të cilat mund të shkaktojnë sëmundje, zbulon “Journal of Environmental Health”.
Hulumtuesit kanë porositur pije në 21 restorante dhe kanë gjetur 25 mikroorganizma të ndryshëm në 76 çerekë limonësh, duke përfshirë “E. colin” famëkeq.
Dorezat e derës
Potencialisht të rrezikshme janë të gjitha dorezat e derës në vendet publike, ndërsa më të ndoturat janë ato në WC-të publike. Shmangni kështu dorezat e derës sa më shumë që mundeni, veçanërisht atë në dalje nga WC-ja para larjes së duarve.
Më së miri është të hapni dyert me ndihmën e një letre të pastër higjienike.
Ena me sapun të lëngshëm
Si dorezat e derës, po ashtu edhe enën me sapun të lëngshëm në vendet publike e prekim edhe me duar të palara, ndërsa këtë e bëjnë edhe të gjithë ata që përdorin WC-të publike. Duart lani mirë me ujë të ngrohtë.
Karrocat dhe shportat në dyqane
Shportat dhe karrocat në supermarkete i përdorin mijëra njerëz në ditë. Sa ka njerëz, aq ka edhe shprehi higjienike, prandaj nuk është as çudi që në 72 për qind të rasteve në dorezat e karrocës gjenden bakteret të cilat përndryshe përmenden në kontekst të fekaleve.
Në 50 për qind të rasteve kjo ka të bëjë për bakterin e njohur “Escherichia coli”, shkaktarin e problemeve të ndryshme tretëse, të stomakut dhe urinare. Karroca në qendrat tregtare mund të jenë burim i vërtetë i infeksionit. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi