Kthehet prej pushimit njëvjeçar rreth botës, gjeti shtëpinë të kthyer në fermë kanabisi (Foto)

Tanya Lavarty nga Liverpuli i Anglisë, që u nis për një pushim njëvjeçar rreth botës, kur është kthyer e ka gjetur shtëpinë të kthyer në fermë kanabisi.

Pronën familjare, 45-vjeçarja e kishte dhënë me qira dhe ishte nisur në udhëtim në Azi së bashku me partnerit, transmeton Telegrafi.

Nëna e këtij të fundit, kishte kaluar një ditë nga shtëpia dhe vërejti një gyp të çuditshëm, në pjesën anash shkallëve. Në anën tjetër, pronarja kishte nisur të dyshonte, sepse për dy muaj nuk ia paguan qiranë.

“Sapo u njoftova që diçka nuk është në rregull, e ndërpreva pushimin. Me të hapur derën, pashë aktivitetin kriminal  dhe nisa të qajë”, ka thënë Lavarty.

Policia e ka bastisur pronën, ku janë gjetur 200 bimë kanabisi, ndërsa dyshohet se kultivuesit që vepruan për më se dhjetë muaj, kanë arritur të arkëtojnë rreth 800 mijë euro. Qiraxhinjtë që janë paraqitur si familjarë nga Koreja e Jugut, janë në arrati.

Pronarja që dikur ka pasur një kuzhinë për të ushqyer të pastrehët, tani kërkon ta ndihmojnë për të riparuar shtëpinë. /Telegrafi/