Kryqi i Kuq shpërndau shishe me ujë për t’i freskuar qytetarët në Shkup

Po shpërndajnë ujë për qytetarët. Këta vullnetarë të Kryqit të Kuq tashmë 10 ditë po i freskojnë qytetaret që presin autobusë apo janë kalimtarë të rastit.

“E pikërisht në momentet kur i nxehti u bie në kokë, për qytetarët është më se e mirëseardhur një shishe ujë.

Shkëlqyeshëm, shkëlqyeshëm. Në kuptim pozitiv të fjalës ju lumtë, ashtu duhet ,për shkak të nxehtësisë , është e nevojshme t’u jepet ujë, sidomos më të moshuarve”, thonë qytetarët.

Po kjo është shumë mirë në këtë nxehtësi verore, do te thotë perfekt. Ju faleminderit shumë.

Ky aksion vjen pasi vendi po shënon temperatura të larta nga faza portokalli, ndërsa Argjend Çilafi nga Kryqi i Kuq thotë se është më se e nevojshme që në këtë kohë të gjithë të jenë të hidratuar.

Aksioni i shpërndarjes se ujit ne pikat më të frekuentuara të qytetit të Shkupit ka filluar që dhjetë ditë dhe dita e sotme është dita e fundit e fazës së parë. Deri sot janë angazhuar mbi 30 vullnetarë në pesë ekipe, gjatë ditës frekuentojmë siç ju thashë pikat kryesore të qytetit të Shkupit aty ku janë prezent më tepër pleq, fëmijë dhe pikat e autobusit të cilët janë direkt në diell.

Ky është viti i pesëmbëdhjetë me radhë ku kryqi i kuq shpërndan ujë gjatë verës, ndërsa ky nuk është aktiviteti i vetëm që ata ndërmarrin për t’ju dalë në ndihmë qytetarëve./TV21/