Kryeprokurori Isufaj: Ju siguroj që prokuroria do të vazhdojë të punojë pa ndaluar në ndjekjen e të gjitha rasteve për krimet e luftës

Kryeprokurori i Prokurorisë Speciale, Blerim Isufaj, ka thënë se prokurorët janë duke vazhduar të punojnë me shumë përkushtim për zbulimin e kryerësve të krimeve gjatë periudhës së luftës në Kosovë.

Isufaj para mediave tha se prokurorët po punojnë përkundër sfidave që po përballen, transmeton Telegrafi.

“Ka kaluar një kohë e konsiderueshme, dhe janë krijuar vështirësi në krijimin e kushteve për identifikimin e kryerësve, në këtë rast siguroj qytetarët se prokuroria do të vazhdojë të punojë pa ndaluar në ndjekjen e të gjitha rasteve për krimet e luftës ”, tha ai.

Lexo po ashtu "Masakra e Mejës", prokurorja Hajdari: Në aktakuzë janë 53 persona, vranë 370 civilë dhe tentuan të fshehin krimet në Serbi

Ndërsa, prokurorja Drita Hajdari ka bërë të ditur se deri tani prokurorët kanë ngritur 33 aktakuza kundër 89 personave, për kryerjen e krimeve të luftës në Kosovë.

Lexo po ashtu Prokurori Morina flet për Masakrën e Dubravës: Nën hetim janë 88 të pandehur, një është në paraburgim

Ajo tha se Prokuroria Speciale ka marrë kompetencat dikur në vitin 2016, për të pranuar të gjitha rastet në vitin 2018 ku në mesin e tyre ka qenë edhe Masakra e Mejës.

“Sa i përket aktakuzave, ju njoftoj se deri tani prokurorët kanë ngritur 33 aktakuza me 89 persona, më marrjen e kompetencave ishim ballafaquar me shumë problem, e sidomos me rrethanat që kryerësit e këtyre veprave nuk kanë qenë në Kosovë, shumica e tyre në Serbi, e viktimat dhe dëshmitarët në Kosovë.

E kjo ka ngritur vështirësi, se nuk kemi mundur të ngrisim aktakuza pa i marrë në pyetje, por kjo nuk na ka ndalur, ne kemi zhvilluar hetimet dhe kemi mbledhur provat, kemi intervistuar dëshmitarët”, theksoi ajo. /Telegrafi/