Kryeministri Kurti viziton Dragashin: Në këtë fatkeqësi kemi pasur fat që nuk ka vdekur askush

Kryeministri i Republikës së Kosovës, Albin Kurti, ka vizituar të enjten Komunën e Dragashit, e cila u prek dje nga vërshimet e ujit të shkaktuara nga reshjet e mëdha të shiut. Me këtë rast ai ka theksuar “në këtë fatkeqësi kemi pasur fat meqë nuk ka vdekur askush”.
Sipas njoftimit të kryeministrisë, Kurti së bashku me ministrin e Administrimit të Pushtetit Lokal, Elbert Krasniqi, Kryetarin e Komunës së Dragashit, Bexhet Xheladinin dhe përfaqësues të Agjencisë së Menaxhimit të Emergjencave, ka vizituar zonat më të prekura nga këto vërshime, përkatësisht fshatit Kuk të kësaj komune.
“Bashkë me Kryetarin e Komunës së Sharrit/Dragashit, Bexhet Xheladinin dhe me ministrin e Administrimit të Pushtetit Lokal, Elbert Krasniqin, dhe me përfaqësuesin nga AME-ja, që njëkohësisht është edhe në Komisionin Vlerësues, Kryetar i Komisionit Vlerësues, Kastriot Lajçin, dhe me kolegë të tjerë nga Komuna e Dragashit, erdhëm në fshatin Kuk që të shohim për së afërmi pasojat e mëdha të cilat janë shkaktuar nga vërshimi i madh i djeshëm që kishte përmasat e një fatkeqësie natyrore meqenëse përrockat e malit Sharr, u bënë më të mëdha se sa lumenjtë e Kosovës”, ka thënë Kurti, thuhet në njoftim.
Sipas kryeministrit sasi enorme të ujit kanë vërshuar fshatin dhe fati në këtë fatkeqësi ka qenë që nuk ka vdekur askush.
“Jemi këtu në vendin në të cilin është bllokuar ura edhe përfundi edhe sipër dhe më pastaj sasi enorme të ujit kanë vërshuar fshatin. Jemi me shumë fat që kjo sasi e madhe e ujit, ky vëllim gjigant i djeshëm për shkak të reshjeve të mëdha të shiut dhe të breshrit ka qëlluar në një kohë gjatë ditës kur asnjëri prej banorëve nuk ka qenë në bodrum të shtëpisë. Përndryshe, po të kishin qëlluar në bodrume të shtëpisë do të kishin vdekur, meqenëse uji i ka vërshuar bodrumet e banorëve nëpër shtëpitë e fshatit Kuk. Në këtë fatkeqësi pra kemi pasur fat që nuk ka vdekur askush. E kemi parë më herët para disa javësh se si në Gjermani pati edhe viktima në njerëz pikërisht për shkak se kur ndodhin vërshimet atëherë njerëzit që ndodhen në bodrume janë të rrezikuar në mënyrë fatale. Por, këtu kemi pasur fat, dhe më vjen mirë për këtë gjë”, ka deklaruar Kurti.
Tutje duke pohuar se dëmet janë të mëdha ka shtuar se “me Komisionin vlerësues duhet të shohim se sa mund të ndihmojmë, çka të riparojmë e rindërtojmë”.
“Nuk janë të korrigjueshme menjëherë e përnjëherë. Ka dëme në infrastrukturë dhe atë jo vetëm në rrugë e në ura, por edhe në gypat e ujësjellësit, në gypat e kanalizimit, si dhe në gypat e Telekomit të Kosovës, në kabllot e ndryshme të cilat kanë siguruar edhe furnizimin me energji elektrike. Ka shtylla të cilat tash paraqesin rrezik për njerëzit dhe do të na duhet që të merremi me të gjitha këto bashkë me komunën”, ka thënë Kurti.
Ai ka theksuar se duhet qëndruar pranë qytetarëve pa dallim, meqenëse kjo është një fatkeqësi natyrore, e cila është e lidhur edhe me ndryshimet klimatike, apo edhe me krizën mjedisore që e ka kapluar jo vetëm rajonin e kontinentin. “Prandaj, duhet t’i marrim masat në mënyrë që të rimëkëmbim çka mundemi, por edhe të nxjerrim mësimet që situatat e këtilla të mos përsëriten as këtu dhe as ndokund tjetër”, është shprehur kryeministri i Kosovës./Telegrafi/.
Promo
Reklamo këtuLufta Prigozhin - Putin
Më shumëNga Rubrika

QRTK Prizren nis hartimin e projektit për restaurimin e Kullës së Zaptive në Zym

Pas një dekade kërkesash, Prizreni përuron tualetet publike të qasshme për të gjithë

Teatri “Bekim Fehmiu” në Prizren sonte shfaq reprizën e tragjikomedisë “Deni dhe Deti i Thellë i Kaltër”

CIA kërcënon të ekspozojë sekretet e shtetit pas politikave të Trumpit

KQZ publikon rezultatet e para të votave të diasporës të ardhura me postë

"Qëndro i fortë, qëndro i patrembur, ti nuk je kurrë vetëm" - liderët evropianë në përkrahje të Zelenskyt pas takimit me Trumpin

Para se të shpërthente debati i ashpër - Zelensky i dhuroi Trumpit rripin e titullit kampion të Usyk

KosovaPress: Kjo është e dyshuara e arrestuar për spiunazh, që e zbuloi AKI

Vaktia e Ramazanit 2025, Agjërimi, Syfyri dhe Iftari

104.5m² komfort – Banesë luksoze me pamje tërheqëse për zyret e juaja

Investoni në të ardhmen tuaj – bli banesë në ‘Arbëri’ tani! ID-140

Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254

Ideale për zyre – në qendër të Prishtinës lëshohet banesa me qira ID-253

Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123

Marrëveshje: Melodia Px dhe Telegrafi Deals janë dakordu që atletet Nike për femra ti ofrojnë për vetëm 69.95€, deri më 09 mars!

A do të shihemi në Balkan eCommerce Summit 2025?

Ekskluzivisht në Telegrafi Deals – Nike REAX nga 101€ në 79.95€!

Çfarë do të thotë DeepSeek AI për marrëdhëniet e SHBA me Kinën?

Çdo fëmijë e don një xhaketë të re për vit të ri!
Më të lexuarat

CIA kërcënon të ekspozojë sekretet e shtetit pas politikave të Trumpit

"Qëndro i fortë, qëndro i patrembur, ti nuk je kurrë vetëm" - liderët evropianë në përkrahje të Zelenskyt pas takimit me Trumpin

KosovaPress: Kjo është e dyshuara e arrestuar për spiunazh, që e zbuloi AKI

KQZ publikon rezultatet e para të votave të diasporës të ardhura me postë

Zbulohen detaje se si erdhi deri te anulimi i bisedimeve të Trump me Zelenskyn dhe largimi i tij nga Shtëpia e Bardhë

Para se të shpërthente debati i ashpër - Zelensky i dhuroi Trumpit rripin e titullit kampion të Usyk