Kryeministri japonez mbron prodhuesit e automjeteve kundër kontrollit të importit të SHBA-së

Kryeministri japonez, Shinzo Abe, tha se do të kërkojë të bindë Presidentin Donald Trump për rolin vendimtar që prodhuesit e makinave në vendit të tij luajnë rrol në nxitjen e ekonomisë amerikane.

Javën e kaluar, Administrata Trump vendosi të fillojë një hetim të sigurisë kombëtare për importet e automjeteve që mund të çojnë në vendosjen e tarifave të reja të ngjashme me ato të çelikut dhe aluminit.

“Prodhuesit japonezë të automjeteve kanë krijuar vende pune dhe kanë dhënë kontribut të madh në ekonominë amerikane”, i tha Abe parlamentit, kur u pyet nga një ligjvënës se si Japonia do t’i përgjigjej lëvizjes së SHBA-së, përcjell Telegrafi.

“Si një vend që i jep përparësi një sistemi tregtar multilateral të bazuar në rregulla, Japonia beson se çdo hap i ndërmarrë për tregtinë duhet të jetë në përputhje me rregullat e Organizatës Botërore të Tregtisë. Numri i veturave prodhuese të automjeteve japoneze në Shtetet e Bashkuara është dyfishi i numrit të eksporteve në vend”, tha ai.

Ai gjithashtu tha se Tokio do të vazhdojë të nxisë Uashingtonin të bashkohet me Partneritetin Trans-Pacifik.

“Japonia i ka shpjeguar Shteteve të Bashkuara qëndrimin e saj se Partneriteti është formati më i mirë për të dy vendet. Ne do të vazhdojmë të flasim me Shtetet e Bashkuara lidhur me këtë pikëpamje”, tha Abe. /Telegrafi/