Greqia do t’u ofrojë turistëve të evakuuar shtatë ditë pushime falas

Pranverën ose vjeshtën e ardhshme, Greqia do të ofrojë shtatë ditë pushime falas për turistët që u evakuuan javën e kaluar për shkak të zjarreve në pyjet në ishullin Rhodes. Lajmin e bëri sot kryeministri Kyriakos Mitsotakis.

Ky i fundit nuk specifikoi se sa njerëz mund të preken nga masa, as se si qeveria do ta zbatojë atë.

Lexo po ashtu Zjarret po shkatërrojnë zonat turistike të Greqisë sjell pamje dramatike nga Lamia

Autoritetet greke thanë se deri në 25 mijë vendas dhe turistë ishin evakuuar nga ishulli, raporton reuters.

“Për të gjithë ata që u ndërprenë pushimet nga zjarret në pyje, qeveria greke, në bashkëpunim me autoritetet lokale, do t’u ofrojë shtatë ditë pushime falas në Rhodes pranverën ose vjeshtën e ardhshme”, tha sot i pari i qeverisë greke.

Sipas kryeministrit, kjo duhet të sigurojë që turistët, pushimet e të cilëve u ndërprenë nga evakuimi, të kthehen në ishull.

Lexo po ashtu A parashikoi Nostradamus valën përvëluese në Ballkan?

Në gjysmën e dytë të zonës, pjesa jugore e Rhodesit u përfshi nga zjarre të forta pyjore. Ishte e nevojshme të evakuoheshin 25 mijë banorë vendas dhe turistë ndërsa zjarri shkatërroi 200 kilometra/katrorë territor, thanë përfaqësuesit e autoriteteve greke.

Mitsotakis tha se tani nuk ka zjarr aktiv në ishull dhe se perspektiva për 15 ditët e ardhshme është e favorshme. /Telegrafi/