Kroos i jep fund pensionimit, rikthehet te kombëtarja gjermane për shkak të fëmijëve të tij

Ekipi kombëtar gjerman do të marrë një shtysë të madhe në prag të Kampionatit Evropian, i cili do të mbahet në këtë vend vitin e ardhshëm.

Përkatësisht, portali Kicker bëri të ditur se Toni Kroos (33) ka vendosur të pranojë ftesën e trajnerit të Gjermanisë, Julian Nagelsmann dhe t’i japë fund pensionimit të tij nga kombëtarja.

Lojtari i Real Madridit i dha lamtumirën kombëtares gjermane në verën e vitit 2021, pasi Panzerët u eliminuan nga Anglia në fazën e 1/8-tës në Kampionatin Evropian.

Tani ai është sërish gati për t’u vënë në dispozicion të kombëtares dhe do të tentojë t’i çojë gjermanët drejt titullit të kampionit të Evropës.

Toni Kroos is now open to a return to the national team. His international retirement is no longer definitive. Kroos is also tempted by the idea of his kids watching him play at a European Championship at home [@cfbayern] pic.twitter.com/I2lpU5WAaz

— Bayern & Germany (@iMiaSanMia) December 18, 2023

Dyshohet se motivi kryesor i tij për t’u rikthyer është fakti se fëmijët e tij do ta shikojnë atë duke luajtur “Euro 2024” me fanellën e kombëtares në shtëpi, pra në fushën e tij.

“Euro 2024” luhet nga 14 qershori deri më 14 korrik 2024 dhe Gjermania është vendosur në Grupin A me Skocinë, Hungarinë dhe Zvicrën.

Kroos deri më tani ka luajtur 106 ndeshje me fanellën e Gjermanisë, në të cilat ka shënuar 17 gola. /Telegrafi/