Kritika të ashpra për Serbinë pasi nuk iu bashkua sanksioneve të vendosura ndaj Rusisë

Më 25 shkurt, Këshilli i Sigurisë Kombëtare të Serbisë miratoi konkluzione mbi luftën në Ukrainë.

Konkluzionet shprehnin mbështetje për integritetin territorial të Ukrainës, por përmbaheshin nga vendosja e sanksioneve ndaj Rusisë.

Kështu, Serbia nuk i është bashkuar sanksioneve të BE-së ndaj Rusisë, përcjell Telegrafi.

Ajo mbeti, së bashku me Bosnje-Hercegovinën, i vetmi vend në rajon që nuk u rreshtua ose nuk njoftoi përafrimin e saj me raundin më të ri të sanksioneve të prezantuara nga BE.

Presidenti Aleksandar Vuçiq u takua me ambasadorët e Shteteve të Bashkuara të Amerikës, Mbretërisë së Bashkuar, Gjermanisë, Francës dhe Italisë, si dhe me ambasadorin e BE-së në Serbi, me të cilin supozohet se ka diskutuar për qëndrimin e Serbisë për sanksionet.

Lexo po ashtu Serbët në Mal të Zi marshojnë në mbështetje të presidentit rus Vladimir Putin

E të hënën, zëdhënësja e Komisionit Evropian, Ana Pisonero, deklaroi se Bashkimi pret që Serbia të përafrohet me sanksionet.

Sipas “EuropeanWesternBalkans”, asnjë thirrje tjetër zyrtare nuk erdhi nga BE-ja, megjithëse Vuçiq tha të hënën se i ishte nënshtruar “presioneve të mëdha” dhe se ditët e fundit kanë qenë më të vështirat në karrierën e tij profesionale.

Megjithatë, disa politikanë dhe ish-diplomatë evropianë e kanë kritikuar Serbinë për pozicionin e saj.

Dhe shumica e komenteve u pritën me reagimin e zyrtarëve serbë dhe u shpërndanë nga mediat pro-qeveritare.

Raportuesja e Parlamentit Evropian për Kosovën, Viola von Cramon, të premten në Twitter tha se ishte koha e fundit që Qeveria serbe dhe presidenti i Serbisë të dënojnë publikisht pushtimin rus të Ukrainës.

“Koha e uljes në dy karrige ka mbaruar”, shkroi von Cramon.

It is high time for @SerbianGov and @predsednikrs to publicly condemn the #Russian #invasion in #Ukraine 🇺🇦.

Time of sitting on two chairs is over.

Non-alignment with the whole of #Europe 🇪🇺 on this will put #Serbia in self-isolation. https://t.co/wojB7ymG3L

— Viola von Cramon 🇺🇦🇪🇺🇮🇱 (@ViolavonCramon) February 25, 2022

Edhe raportuesi i Parlamentit Evropian për Serbinë, Vladimír Bilčík, e bëri të ditur mendimin e tij menjëherë pas shpalljes së vendimit për mospërputhje me sanksionet ndaj Rusisë.

“Sulmi i Putinit kundër Ukrainës është një moment vendimtar edhe për Ballkanin Perëndimor. Prandaj të gjithë duhet të kuptojnë se zgjedhja e Serbisë për të mos iu bashkuar sanksioneve të BE-së është një vendim përcaktues i politikës së jashtme për marrëdhënie shumë më të gjera ndërmjet BE-së dhe Serbisë”, ka shkruar Bilčík.

Putin’s attack against Ukraine is a watershed moment for the #WesternBalkans, too. Everyone should therefore understand that #Serbia’s choice not to join #EU sanctions is a defining foreign policy decision for much broader relations between 🇪🇺 and 🇷🇸.

— Vladimír Bilčík MEP (@VladoBilcik) February 25, 2022

Gjithashtu, gjatë tre ditëve në vijim, disa komentatorë, duke përfshirë ish-diplomatë, kritikuan Serbinë se nuk iu bashkua sanksioneve.

Ish-ambasadori i Shteteve të Bashkuara të Amerikës në Kosovë, Philip Kosnett, ka shkruar të dielën në Twitter se “Vuçiq i Serbisë ka zgjedhur Putinin në vend të Perëndimit… BE, SHBA ju lutemi ta keni parasysh”.

So it seems Serbia’s Vucic has chosen Putin over the West – while claiming his hands are tied by public opinion and hiding behind the Church. That’s not leadership; it’s moral cowardice. EU, U.S. please take note.

— Philip Kosnett (U.S. Ambassador, Ret.) 🇺🇸 (@PhilKosnett) February 27, 2022

Ndërsa duke komentuar në një postim në Twitter nga gazetari Michael Martens mbi refuzimin e Serbisë për t’iu bashkuar sanksioneve ndaj Rusisë, Bildt shkroi se Serbia e skualifikoi veten nga procesi i pranimit në BE.

With this stance 🇷🇸 de facto disqualified itself from the 🇪🇺 accession process. There should be no room for new 🇪🇺 members not sharing our fundamental values and interests. https://t.co/vw5r5st6Nm

— Carl Bildt (@carlbildt) February 27, 2022

“Me këtë qëndrim, Serbia de facto e skualifikoi veten nga procesi i anëtarësimit në BE. Nuk duhet të ketë vend që anëtarët e rinj të BE-së të mos ndajnë vlerat dhe interesat tona themelore”, ka shkruar Bildt. /Telegrafi/